Avaryja adbyłasia ranicaj u 7.50 na skryžavańni vulicaŭ Bahdanoviča, Staražoŭskaj i Kupały, paviedamili ŭ dziažurnaj słužbie UDAI Miensku. Sutyknulisia aŭtamabili ZIŁ i Seat. ZIŁ prabiŭ aharodžu, vylecieŭ na chodnik, začapiŭ słup i ŭrezaŭsia ŭ budynak. Pavodle supracoŭnika dziažurnaj słužby UDAI Miensku, sutyknieńnie adbyłasia pa vinie kiroŭcy Seat Kanstancina R. 1987 h.n., jaki, pavaročvajučy ŭprava z boku vuł. Staražoŭskaja, nie prapuściŭ aŭtamabil ZIŁ. Apošni ruchaŭsia na zialonaje śviatło pa vuł. Bahdanoviča ŭ kirunku Niamihi. Kiroŭca ZIŁa Siarhiej B. 1967 h.n., indyvidualny pradprymalnik ź Miensku, ad atymanych u vyniku avaryi paškodžańniaŭ zahinuŭ na miescy. Kanstancin R., pavodle dziažurnaj słužby UDAI, nie atrymaŭ navat drapiny. Jon kiravaŭ aŭtamabilem, jaki naležyć jahonamu baćku.
 |
Fota _IvAnKo_, forum.onliner.by,
