Alaksandr Łukašenka pavinšavaŭ prezidenta Indyi Pratybchu Patył z nacyjanalnym śviatam — Dniom niezaležnaści, paviedamiła 15 žniŭnia pres‑słužba biełaruskaha kiraŭnika.
«My razhladajem vašu krainu jak nadziejnaha partniora ŭ handlova‑ekanamičnaj i navukova‑techničnaj halinach, — havorycca ŭ vinšavańni. — Pierakanany, što biełaruska‑indyjskija adnosiny va ŭsich śfierach majuć značnyja pierśpiektyvy dla dalejšaha pašyreńnia. Sumiesnymi namahańniami my zmožam u poŭnaj miery vykarystać isnujučy patencyjał uzajemadziejańnia».
A.Łukašenka pacvierdziŭ hatoŭnaść pryniać P.Patył ź dziaržaŭnym vizitam u luby zručny dla jaje čas.
Daviedka BiełaPAN. 72‑hadovaja P.Patył stała pieršaj žančynaj, abranaj na pasadu prezidenta Indyi. Vybary adbylisia 19 lipienia.
