Siońnia ŭ Haspadarčym sudzie Miensku raspačaŭsia sudovy praces pa pazovie jurhrupy «Arhumient'» da Abjadnanaj hramadzianskaj partyi (AHP). Pryčyna - publikacyja na sajcie www.ucpb.org artykułu «Siamja» robić biznes. Pad nadziejnym dacham dziaržavy». Na dumku, istca artykuł nanosić škodu dziełavoj reputacyi tavarystva i jaho zasnavalnika Andreja Leanidaviča Kozika, syna staršyni FPB.
AHP zajaŭlaje, što partyja nie źjaŭlajecca ŭładalnicaj sajtu www.ucpb.org. U AHP havorać, što heta nie partyjny sajt, a resurs prychilnikaŭ partyi i chostynh na jaho naležyć nia im.
Sudździa N. Arłoŭskaja pieraniesła pasiedžańnie na zaŭtra, 16 lipienia.
Da 9.40 adkazčyk musić padać infarmacyju, chto ŭ Biełarusi rehistruje damennyja adrasy.
Bok istca vysunuŭ chadajnictva pra pieranos spravy na kaniec žniŭnia. Sam iściec na sud nie źjaviŭsia, bo źjechaŭ u kamandziroŭku. Sudździa paličyła hetuju pryčynu niaŭvažlivaj.