Pryčynaj dla sudovaha pracesu staŭ artykuł «Siamja» robić biznes. Pad nadziejnym dacham dziaržavy», źmieščany na sajcie www.ucpb.org i nibyta nanosić škodu dziełavoj reputacyi tavarystva i asabista Andreju Koziku, synu staršyni FPB. «Arhumient'» nastojvaje na tym, kab hetaja infarmacyja abvierhnutaja na vyšejuzhadanym sajcie i ŭ štotydnioviku «Biełorusy i rynok».
Siońnia ŭ Haspadarčy sud nie źjavilisia pradstaŭniki pazoŭščyka, ale jany skiravali sudździ Neli Arłoŭskaj aficyjnaje chadatajnictva. Jany nastojvajuć, kab u sud u jakaści śviedki źjaviŭsia lider AHP Anatol Labiedźka. Reč u tym, što ŭ 2005 h. Anatol Labiedźka ŭ interviju kampanii BiełaPAN kazaŭ pra toje, što sajt AHP naviedvaje peŭnaja kolkaść čałaviek. Taksama pazoŭščyk ličyć, što na sudzie musić prysutničać specyjalist u sfery telekamunikacyj, kab była zabiaśpiečanaja niezaležnaja ekspertyza. U sud pradstaŭniki «Arhumienta» nie źjavilisia, bo znachodziacca ŭ kamandziroŭcy i prosiać pieranieści sud na 28 žniŭnia. Sudździa paličyła, što pryčyna adsutnaści niaŭvažlivaja.
AHP pradstaŭlaŭ juryst Siarhiej Alfier, jaki adznačyŭ, što nia suprać, kab sprava razhladałasia ŭ adsutnaści pazoŭščyka, ale sudździa adchiliła hetuju prapanovu.
Neli Arłoŭskaja zapytałasia ŭ Alfiera, chto ŭ Biełarusi zajmajecca rehistracyjaj damiennych adrasoŭ ŭ internecie, a taksama, chto robić licenzavańnie sajtaŭ. Alfier adznačyŭ, što raniej rehistracyjaj zajmałasia tolki pradpryjemstva «Adkryty kantakt», ale ciapier źjavilisia i inšyja arhanizacyja, što zajmajucca hetym.
Sudździa paprasiła Alfiera padrychtavać da čaćviarha kankretnyja źviestki pa hetym pytańni dziela dalejšaha zapytu ŭ Ministerstva infarmacyi.
Taksama Alfier skazaŭ, što ekspertam u sudzie zhadziŭsia być zasnavalnik najbujniejšaha biełaruskaha internet‑partału tut.by Jury Zisier, adnak na heta sudździa ničoha nie skazała.
Praciah sudovaha pracesu zaŭtra a 9:40, adnak Siarhiej Alfier miarkuje, što sud zadavolić chadatajnictva istca i pieraniasie razhlad na kaniec žniŭnia.
