 Siarhiej Panamaroŭ |
Kryminalnaja sprava pavodle č.2 art. 188 KK RB (paklop u drukavanych srodkach) u dačynieńni da Siarhieja Panamarova była zaviedzienaja 13 traŭnia. Nahodaj stała natatka ŭ hazecie «Bojki Kleck», jakuju sp. Panamaroŭ vydaje ŭłasnymi srodkami i dla jakoj sam piša teksty. Kiraŭnička Kleckaj jurydyčnaj kansultacyi Natalla Siemaškievič paličyła abraźlivaj infarmacyju ŭ adnym z artykułaŭ. Admysłovaja ekspertyza nie znajšła parušeńnia Kryminalnaha kodeksu i spravu prypynili za adsutnaściu składu złačynstva.
14 žniŭnia S. Panamaroŭ adnios u Klecki rajvykankam zajavu na praviadzieńnie pikietu ŭ Klecku 30 žniŭnia z metaj infarmavańnia hramadzianaŭ pra sytuacyju z palitźniavolenymi, a taksama patrabavańniem vyzvalić eks‑kandydata ŭ prezydenty Alaksandra Kazulina. U toj ža dzień kleckaha aktyvista vyklikali na dopyt u jakaści padazravanaha pavodle č.2 art. 188 KK RB. Pastanovu ab prypynieńni kryminalnaj spravy admianiŭ prakuror Kleckaha rajonu V. Karobka, jaki na dadzieny momant aficyjna znachodzicca ŭ adpačynku. Siarhiej Panamaroŭ ličyć, što takaja paśpiešlivaść vyklikanaja jahonaj aktyŭnaściu, u pieršuju čarhu — rychtavańniem pikietu naprykancy žniŭnia.
