Niezaležnaja hrupa mižnarodnych ekspertaŭ pryjšła da vysnovy, što nieapaznany samalot uvarvaŭsia 6 žniŭnia ŭ pavietranuju prastoru Hruzii z boku Rasiei.

Zhodna z vysnovami ekspertaŭ, nieapaznany samalot trojčy pierasiakaŭ pavietranuju miažu Hruzii. Parušeńnie pavietranaj miažy va ŭsich troch vypadkach była ździejśniena adnym i tym ža aparatam.

Niezaležnaja hrupa ekspertaŭ pačała pracu ŭ paniadziełak. Jaje ŭznačalvaje pradstaŭnik Minabarony Švecyi. U jaje składzie eksperty z ZŠA, Łatvii i Litvy.

Miž tym zaŭtra ŭ Tbilisi čakajecca prybyćcio delehacyi rasiejskich espertaŭ, jakija sa svaimi hruzinskimi kalehami praviaduć svajo raśledavańnie.

Tbilisi śćviardžaje, što rasiejski samalot paśla taho, jak uvarvaŭsia ŭ pavietranuju prastoru Hruzii, vypuściŭ rakietu pa RŁS u rajonie horadu Hory. Rakieta nie ŭzarvałasia. Rasieja admaŭlaje hety fakt.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?