Ilustracyjnaje fota.
U ramkach prahramy transhraničnaha supracoŭnictva Łatvii, Litvy i Biełarusi ŭ pryhraničnych rehijonach Biełarusi i Łatvii pačynajecca realizacyja prajekta pa raźvićciu kulinarnaj spadčyny Bella Cuisine, paviedamiŭ BIEŁTA kaardynatar prajekta Anton Radniankoŭ.
Prajekt Bella Cuisine budzie realizavany na terytoryi Połackaha, Lepielskaha, Miorskaha, Hłybockaha i Vierchniadźvinskaha rajonaŭ Viciebskaj vobłaści, a taksama Ahłonskaha, Krasłaŭskaha, Dahdskaha, Rezieknienskaha i Łudzienskaha krajoŭ Łathalskaha rehijona (Łatvija). Ahulny biudžet prajekta składaje amal 500 tys. jeŭra.
Płanujecca, što ŭ chodzie prajekta, raźličanaha na 18 miesiacaŭ, Viciebskaja vobłaść stanie kandydatam na ŭstupleńnie ŭ Jeŭrapiejskuju sietku kulinarnaj spadčyny, u jakuju ŭvachodziać 24 rehijony takich krain, jak Danija, Hiermanija, Łatvija, Litva, Narviehija, Polšča, Šviecyja i Ukraina. Budzie raspracavany šaścidzionny kulinarny maršrut pa pryhraničnych rehijonach Biełarusi i Łatvii, projduć čatyry kulinarnyja fiestyvali, a taksama budzie adkryty mižnarodny centr pa papularyzacyi kulinarnaj spadčyny ŭ horadzie Krasłava (Łatvija). U Biełarusi i Łatvii projduć mierapryjemstvy pa papularyzacyi kulinarnaj spadčyny Łathalskaha rehijona i Viciebskaj vobłaści, budzie arhanizavana navučańnie pradstaŭnikoŭ śfiery charčavańnia, a taksama pajezdki pa abmienu vopytam u Šviecyju, Łatviju i Litvu.
Prajekt Bella Cuisine u ramkach prahramy transhraničnaha supracoŭnictva Łatvii, Litvy i Biełarusi stavić pierad saboj metu aznajomić Biełaruś z kancepcyjaj kulinarnaj spadčyny, palepšyć jakaść pradastaŭleńnia kulinarnych pasłuh u Viciebskaj vobłaści i Łathalskim rehijonie (Łatvija), sadziejničać papularyzacyi nacyjanalnaj kuchni i hastranamičnaha turyzmu.