U hety dzień 16 hadoŭ tamu Viarchoŭnaja Rada ŭchvaliła akt pra abviaščeńnie niezaležnaści Ŭkrainy.
Uračystaści ŭ Kijevie z nahody śviata pačynajucca malebnam u Safijskim sabory z udziełam pradstaŭnikoŭ roznych relihijnych kanfesij i kiraŭnikoŭ dziaržavy, uklučna z prezydentam Ukrainy Juščankam i premjeram Janukovičam.
Hetuju tradycyju Juščanka zapačatkavaŭ u 2005 hodzie, kab zrabić akcent na duchoŭna‑humanistyčnym źmieście śviata.
Paśla zaviaršeńnia malebnu prezydent Juščanka pramaŭlaje na Safijskaj płoščy.
U niekatorych haradach Zachodniaj Ukrainy va ŭsie śviatočnyja dni pasažyry ŭ vyšyvankach buduć jeździć na hramadzkim transparcie biaspłatna.
U Lvovie taksama ŭpieršyniu śviatkujuć Dzień vyšyvanki, apranuŭšy skulptury‑fantany na płoščy Rynak u vyšyvanki.
U Daniecku 23 žniŭnia z nahody Dnia ściahu razharnuli najvialikšy va Ŭkrainie dziaržaŭny ściah pamieram 30 na 45 metraŭ.
Paśla prezentacyi ŭ Daniecku ściah u nastupnyja 30 dzion praviazuć pa 24 abłasnych centrach Ukrainy, a taksama Simfieropali, Kijevie j Sievastopali.
