i adčuvaje ŭ Niaśvižy strašnuju izalacyju.
Nastu Azarku — niaśviskuju aktyvistku niezarehistravanaj moładzievaj arhanizacyi «Małady Front» — pačnuć sudzić 4 vieraśnia ŭ sudzie Niaśviža. Pasiedžańnie budzie adkrytym. Nasta abvinavačvajecca ŭ «dziejnaści ad imia niezarehistravanaj arhanizacyi». Pavodle častki 1.193 artykułu Kryminalnaha kodeksu Biełarusi, dziaŭčynie pahražaje da dvuch hadoŭ źniavoleńnia.
Nastaśsi — 25 hadoŭ. Jaje nieadnarazova zatrymlivali milicyjanty. Dziaŭčyna straciła pracu j z apošnich hrošaŭ spłačvała štrafy, jakimi karali aktyvistku za raspaŭsiud ulotak, praviadzieńnie akcyj. Vialikija prablemy ŭ Nasty z baćkami — jany nie padtrymlivajuć jaje dziejnaści. Darečy, kryminalnaja sprava pa takim ža artykule na Nastu Azarku była zaviedzienaja jašče ŭ minułym hodzie, ale spravu prypynili. Padčas našaj hutarki Nasta ŭvieś čas płakała j vyhladała vielmi razhublenaj.
«Mnie ŭsio abiacajuć, ale realnaj dapamohi ja tak i nia bačyła», — kaža Nasta Azarka.
N.Azarka: Na toj momant, kali ŭ minułym hodzie na mianie była zaviedzienaja takaja ž kryminalnaja sprava, ja nidzie nie pracavała, nidzie nie vučyłasia, tamu ničoha j nie straciła. U pryncypie, ja jašče ŭ minułym hodzie im kazała, što jany mnie ničym nie dapamohuć. Kali prapanavali vučobu, mnie treba było b pracavać, kab apłačvać vučobu. Kab ja zmahła pracavać, patrebna było znajści žytło ŭ Miensku, bo tut, u Niaśvižy, na toj momant ja nie mahła znajści pracu, mianie adusiul prosta vypirali.
Nastaŭnica pačatkovych klasaŭ pavodle adukacyi, Nasta vymušanaja pracavać rabočaj na ilnozavodzie. I navat hetuju pracu dziaŭčyna znajšła tolki z dapamohaj miascovych milicyjantaŭ.
N.Azarka: Mnie daviałosia pajści ŭ milicyju, bo tam jość adzin dobry čałaviek, jaki skazaŭ, što kali mnie budzie patrebnaja praca, to jon mianie ŭładkuje. Jon mianie ŭładkavaŭ, i zaraz ja pracuju — ja vielmi jamu ŭdziačnaja. U hetym hodzie mnie nichto ničoha nie prapanoŭvaŭ. Na pracy pra ŭsio viedajuć starańniami našych kdbešnikaŭ. Na pracu pryjšła papiera ab tym, kab kantralavali ŭsie maje zajavy pa dniach, kali ja pišu zajavy na adhuły. Ja vielmi ŭdziačnaja maim kaleham za toje, što jany ni ab čym nie pytajucca. Maŭklivaja padtrymka.
Zaraz Naście vielmi patrebnaja maralnaja dapamoha. Z času, jak była paŭtorna zaviedziena kryminalnaja sprava, da dziaŭčyny pryjaždžali tolki śledčyja.
Nahadaju, što ŭ Škłoŭskaj kalonii pakarańnie pazbaŭleńniem voli za dziejnaść ad imia niezarehistravanaj arhanizacyi adbyvaje lider «Maładoha Frontu» Źmicier Daškievič. U traŭni pa hetym ža artykule sudzili piacioch mienskich maładafrontaŭcaŭ. Tady sud pakaraŭ aktyvistaŭ štrafami j papiaredžańniami. «Małady Front» niekalki razoŭ sprabavali zarehistravać, ale Ministerstva justycyi zaŭsiody znachodziła padstavy dla admovy.
Kali chto chacieŭ by pajechać u Niaśviž da Nasty Azarki, kantakty možna atrymać u Redakcyi: praz e-adras [email protected] i telefony (017) 284-73-29, (029) 707-73-29, (029) 613-32-32.
