Valejboł. Žanočaja zbornaja Biełarusi prabiłasia na Jeŭra-2013

Žanočaja zbornaja Biełarusi pa valejbole prabiłasia ŭ finalnuju častku Jeŭra-2013. Biełaruski prajhrali paŭtorny matč kamandzie Słavakii — 1:3 (25:15, 19:25, 17:25, 20:25), ale vyjhrali «załatuju partyju» — 16:14.

U pieršym pajadynku na placoŭcy mahiloŭskaha spartkompleksu «Alimpijec» naša družyna nie pakinuła sapiernicam nivodnaha šancu — 3:0. Zhodna z rehłamientam pry parazie ŭ haściach usio vyrašała dadatkovaja partyja. Jana i pryniesła biełaruskim dziaŭčatam viktoryju, paviedamlaje Priessboł.

Čempijanat Jeŭropy pa valejbole siarod žančyn projdzie z 6 pa 14 vieraśnia

ŭ čatyroch haradach Hiermanii — Bierlinie, Chale, Drezdenie, Švierynie — i šviejcarskim Ciurychu. Udzieł u im voźmuć 16 zbornych.

Zbornaja Biełarusi budzie vystupać u hrupie S u Drezdenie razam sa zbornymi Rasii (matč 6 vieraśnia), Azierbajdžana (7 vieraśnia) i Charvatyi (8 vieraśnia).

Kab vyjści ŭ nastupny raŭnd, treba zaniać u hrupie miesca nie nižej za 3-je. Paŭfinały i finał projduć u Bierlinie.

Taksama nahadajem, što biełarusy vystupiać i na mužčynskim čempijanacie Jeŭropy pa valejbole,

što projdzie ŭ vieraśni ŭ Polščy i Danii. Biełarusy buduć hulać u hrupie A u dackim Odensie.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH