Łukašenka padpisaŭ ukaz, jaki rehłamientuje dolevaje budaŭnictva

Alaksandr Łukašenka 6 červienia padpisaŭ ukaz № 263 «Ab dolevym budaŭnictvie abjektaŭ u Respublicy Biełaruś».

Jak paviedamiła pres-słužba prezidenta, dakumient ustanaŭlivaje ahulnyja asnoŭnyja pryncypy dolevaha budaŭnictva šmatkvaternych, adnakvaternych i błakiravanych žyłych damoŭ dla roznych katehoryj hramadzian, a taksama zaćviardžaje Pałažeńnie ab dolevym budaŭnictvie abjektaŭ, formu typovaha dahavora ab stvareńni abjekta dolevaha budaŭnictva žyłych pamiaškańniaŭ z vykarystańniem dziaržaŭnaj padtrymki i (abo) z abmiežavanym prybytkam zabudoŭščyka.

Ukazam praduhledžany šerah dadatkovych mier pa abaronie pravoŭ dolščykaŭ i adkaznaści zabudoŭščykaŭ. Tak, ź liku mahčymych zabudoŭščykaŭ vyklučany indyvidualnyja pradrymalniki.

Miascovym vykanaŭčym i rasparadčym orhanam budzie vydavacca hramadzianinu nakiravańnie na dolevaje budŭnictva žyłoha pamiaškańnia z vykarystańniem dziaržpadtrymki i (abo) z abmiežavanym prybytkam zabudoŭščyka tolki z ulikam daty pastanoŭki hetaha hramadzianina na ŭlik majučych patrebu ŭ palapšeńni žyllovych umoŭ.

Dla hramadzian, jakija budujuć žyłyja pamiaškańni takim čynam, damova zaklučajecca tolki pa zaćvierdžanaj typovaj formie.

Akramia taho, ustanoŭlena zabarona na zaklučeńnie dahavoraŭ z ulikam pryviazki cany abjekta dolevaha budaŭnictva da valutnaha ekvivalenta (dla hramadzian, jakija nie stajać na ŭliku majučych patrebu ŭ palapšeńni žyllovych umoŭ, takaja norma nie praduhledžana).

Dla hramadzian, jakija stajać na ŭliku majučych patrebu ŭ palapšeńni žyllovych umoŭ, ilhota pa abmiežavańni pamieru prybytku da 5%

ad vyznačajemaha ŭ siońniašnich cenach kaštarysnaha koštu abjekta dolevaha budaŭnictva budzie raspasiudžvacca tolki na narmujemuju płošču (z raźliku 20 kv. m ahulnaj płoščy žyłoha pamiaškańnia, jakoje budujecca, na kožnaha člena siamji dolščyka, u Minsku — 15 kv. m i dla mnahadzietnych siemjaŭ — 20 kv. m).

U metach vyklučeńnia dvajnoha prodažu adnaho i taho ž žyłoha pamiaškańnia i ŭ apaviednaści z zakanadaŭstvam zaklučajemych z dolščykami dahavoraŭ dolevaha budaŭnictva praduhledžana rehistracyja miascovymi orhanami ŭłady nie tolki samich dahavoraŭ, ale i dadatkovych pahadnieńniaŭ da dahavora (u vypadkach źmianieńnia istotnych umoŭ dahavora).

Ukazam vyznačany paradak skasavańnia dahavoraŭ bakami.

Pry daterminovym skasavańni dahavora zabudoŭščyk abaviazany budzie dać prava dabudavać žyłoje pamiaškańnie najpierš členu siamji dolščyka, ź jakim skasoŭvajecca dahavor.

Źmianieńnie cany abjekta dolevaha budaŭnictva pa inicyjatyvie zabudoŭščyka moža ažyćciaŭlacca tolki ŭ vypadkach źmianieńnia statystyčnych indeksaŭ koštu budaŭniča-mantažnych rabot i (abo) uniasieńnia źmianieńniaŭ u zakanadaŭstva ab vypłacie ŭskosnych padatkaŭ, pa pahadnieńni bakoŭ — pry ŭniasieńni źmianieńniaŭ i dapaŭnieńniaŭ u prajektnuju dakumientacyju abo pa chadajnictvie dolščyka ab akazańni dadatkovych pasłuh (admovie ad akazańnia pasłuh).

Dakumientam praduhledžvajecca abaviazak zabudoŭščyka pa praviadzieńni štohadovaha aŭdytu metavaha vykarystańnia srodkaŭ, jakija pryciahvajucca ŭ budaŭnictva, z davańniem kopii vynikaŭ takoha aŭdytu ŭ miascovyja vykanaŭčyja i rasparadčyja orhany, prava dolščyka na aznajamleńnie z vynikami hetaha aŭdytu.

Termin uvodu doma ŭ ekspłuatacyju pryviazany da narmatyŭnaha terminu budaŭnictva.

Zabudoŭščyk maje prava z dazvołu miascovych vykanaŭčych i rasparadčych orhanaŭ praciahnuć termin uvodu žyłoha doma.

U vypadku viny zabudoŭščyka ŭ nievykanańni narmatyŭnaha terminu budaŭnictva da zabudoŭščyka paśla zaviaršeńnia budaŭnictva buduć prymienienyja štrafnyja sankcyi (vypłata niaŭstojki (pieni) dolščykam), a pry raźliku cany zabudoŭščyk budzie abaviazany prymianiać da abjomaŭ zvyšnarmatyŭnaha budaŭnictva statystyčnyja indeksy koštu budaŭniča-mantažnych rabot, ustanoŭlenyja dla miesiaca, jaki źjaŭlajecca apošnim pry narmatyŭnym terminie budaŭnictva.

U vypadku parušeńnia ŭstanoŭlenaha dahavoram terminu ŭniasieńnia płaciažoŭ dolščyk vypłačvaje zabudoŭščyku niaŭstojku (pieniu) u pamiery 0,02% (kali płaciažy ŭnosiacca dolščykam u adpaviednaści z hrafikam płaciažoŭ) abo 0,002% (kali płaciažy ŭniesieny dolščykam adnarazova) ad sumy praterminavanaha płaciažu za kožny dzień praterminoŭki da dnia pahašeńnia zapazyčanaści abo pryniaćcia rašeńnia ab skasavańni dahavora va ŭstanoŭlenym paradku. Dolščyk nie niasie adkaznaści za niesvoječasovaje pieraličeńnie bankam płaciažoŭ, jakija składajuć dziaržaŭnuju padtrymku.

Vieličynia prybytku zabudoŭščyka, što raźličvajecca pry zaklučeńni dahavoraŭ, nie moža mianiacca ŭ suviazi z rostam cany abjekta, za vyklučeńniem jaje rostu ŭ adpaviednaści z umovami, praduhledžanymi va ŭkazie.

Zabudoŭščyk pry zaklučeńni dahavoraŭ budaŭničaha padradu prymaje rašeńnie ab pieradačy častki svajho prybytku padradčyku paśla zakančeńnia budaŭnictva. Pamier srodkaŭ, jakija pieradajucca, i inšyja ŭmovy vyznačajucca ŭ dahavory pamiž bakami.