Lidaram rejtynhu stała prafiesijnaja sacyjalnaja sietka LinkedIn. Abarot kampanii za apošnija try hady vyras na 102%. Vyručka za apošni hod vyrasła na 80% — šmat u čym dziakujučy prodažam rekrutynhavaha prahramnaha zabiaśpiečańnia Talent solutions, piša Forbes.
Jašče adna sacyjalnaja sietka — Facebook — raźmiaściłasia na druhim miescy. Abarot kampanii vyras na 87%. Prybytak najbujniejšaj u śviecie sacsietki pieravyšaje $5 młrd, ale inviestary raźličvajuć, što kiraŭnik kampanii Mark Cukierbierh prydumaje sposab pavyšeńnia dachodaŭ ad mabilnaj rekłamy. Pazicyi Facebook moža pachisnuć abvinavačańnie ŭ supracoŭnictvie sa śpiecsłužbami, jakoje ŭčora vystavili najbujniejšyja amierykanskija ŚMI.
Adziny vytvorca techniki ŭ trojcy samych chutkarosłych technałahičnych kampanij — Apple. Rost abarotu kampanii skłaŭ 55%. Adbiłasia rezkaje padzieńnie cenaŭ akcyj Apple paśla piku ŭ vieraśni 2012 hoda, kali jany tarhavalisia pa $700.
Na šostym miescy raźmiaściłasia kampanija EPAM Systems. Jaje zasnavalnik, prezident i staršynia rady dyrektaraŭ — biełaruski pradprymalnik Arkadź Dobkin.
Jon naradziŭsia ŭ 1960 hodzie ŭ Minsku. Vučyŭsia ŭ škole № 50 z matematyčnym uchiłam. U 1983 skončyŭ Biełaruski nacyjanalny techničny ŭniviersitet pa śpiecyjalnaści «inžynier elektratechniki». U 1991 hodzie emihravaŭ u ZŠA. U 1993 hodzie zasnavaŭ EPAM Systems.
