Na M2 la aeraporta zhareŭ «Bentli». Na chutkaści 250 ulacieŭ na nielehalnyja honki 8

Usio, što zastałosia ad ciuninhavanaha «Bentli».

Biełaruski «Bentli-Kantyniental», fota z Estonii. Mahčyma, toj samy.

«Bentli-Kantyniental» zhareŭ u avaryi ŭ Smalavickim rajonie.

Jak paviedamili ŭ adździaleńni infarmacyi i hramadskich suviaziej UUS Minskaha abłvykankama, heta zdaryłasia 6 červienia kala 23.50. 22-hadovy žychar Mioraŭ, student Biełaruskaha dziaržaŭnaha univiersiteta fizičnaj kultury, jechaŭ na «Folksvahienie-Pasacie» ŭ bok aeraporta. Na 36-m km aŭtadarohi M2 pry pavarocie na raździalalnaj pałasie jon nie sastupiŭ darohi mašynie «Bentli-Kantyniental». Joju kiravaŭ 45-hadovy minčuk. Adbyłosia sutyknieńnie.

Pry ŭdary «Bentli» vykinuła na pravuju abočynu, dzie stajali mašyny.

Dalej adbyłosia sutyknieńnie «Bentli» z «Aŭdzi S4», «Folksvahienam-Džeta» i «Chondaj-Akord». «Džetu» adkinuła na 15 mietraŭ.

Kiroŭca «Bentli» paśpieŭ vyskačyć. Ale ŭ vyniku paškodžańnia bienzabaka spałachnuła paliva. «Bentli» zhareŭ całkam. Ludzi nie paciarpieli.

«Bentli-Kantyniental GT» — heta luksovaja mašyna koštam ad 180 tysiač dalaraŭ, u zaležnaści ad madyfikacyi.

U Biełarusi takich usiaho niekalki, adna ź ich naležyć pradprymalniku Vitalu Arbuzavu.

Kiroŭca, jaki vyskačyŭ z «Bentli», skazaŭ prysutnym, što jahonaja mašyna kaštuje kala 300 tysiač jeŭra.

Pavodle niekatoraj infarmacyi, avaryja zdaryłasia ŭ časie nielehalnych načnych spabornictvaŭ-honak.

Pra biełaruski «Bentli-Kantyniental» stała viadoma, paśla taho jak estonskija daišniki aštrafavali jaho kirooŭcu za jazdu z chutkaściu 241 km/h pa adnoj z daroh bałtyjskaj krainy.

Vidavočcy čaćviarhovaha zdareńnia raskazvajuć: Bentley ŭ honkach nie ŭdzielničaŭ, ale niośsia na chutkaści bolš za 250 km/h.

Siarhiej Hiezhała; inf. BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH