Alaksandr Łukašenka zajaŭlaje pra nieabchodnaść supraćstajać pahrozam infarmacyjnaj biaśpieki krainy. Ab hetym jon zajaviŭ 7 červienia, naviedvajučy Apieratyŭna-analityčny centr pry Prezidencie Respubliki Biełaruś (AAC).

Pavodle słoŭ Łukašenki, šmat u čym dziakujučy pracy śpiecyjalistaŭ AAC Biełaruś u apošnija hady padniałasia ŭvierch u suśvietnych rejtynhach raźvićcia infarmacyjnaha hramadstva. «Vami paśpiachova realizujecca bujny inviestycyjny prajekt, adnym z vynikaŭ jakoha stała pabudova vysakachutkasnaj tranzitnaj mahistrali pamiž Maskvoj i Frankfurtam», — adznačyŭ jon.

«Hety prajekt i ŭsie astatnija vy inicyjavali sami. Vy pakul, daj boh, kab zaŭsiody, pracujecie tak, jak ja patrabuju. U vas dziaržaŭny padychod da spravy.
Ale vy ni ŭ jakim razie nie pavinny spyniacca na dasiahnutym. Kali vy spyniciesia, vas abyduć. Tamu vam treba zaŭsiody vielmi chutka biehčy, apiaredžvajučy hihanckija dziaržavy, jakija majuć bolš mahčymaściaŭ dla raźvićcia tych napramkaŭ, jakija pastavili ŭ vašu adkaznaść», — padkreśliŭ jon.

«Akramia taho, vy pavinny być hatovyja supraćstajać pahrozam infarmacyjnaj biaśpieki. U niadaŭnim minułym Centr sumiesna ź inšymi strukturami zdoleŭ spynić sproby razhojdvańnia palityčnaj situacyi z dapamohaj sietki Internet. Upeŭnieny, što vy i nadalej budziecie davać hodny adkaz na padobnyja pravakacyi», — zajaviŭ Alaksandr Łukašenka.

«Naša zadača, i pierš za ŭsio vaša, sumiesna ź inšymi siłavymi strukturami abaranić našu dziaržavu i naš narod», — dadaŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?