Infarmacyja ab zakupcy na sajcie icetrade.by.
Infarmacyja ab zakupcy na sajcie icetrade.by.
Mašyna, jakuju vybrała ŭpraŭleńnie pa pracy, zaniataści i sacyjalnaj abaronie Baranavickaha harvykankama, prykładna ŭ 1,5 raza daražej aŭtamabilaŭ, jakija zakuplajuć anałahičnyja ŭpraŭleńni ŭ inšych rehijonach krainy, piša Intex-press.
Dla jakich metaŭ patrebna takaja niatannaja i kamfortnaja mašyna i, hałoŭnaje, ci dapamoža jaje nabyćcio palepšyć sacyjalnaje absłuhoŭvańnie haradžan, va ŭpraŭleńni nie prakamientavali.
«Aŭtamabil budzie vykarystoŭvacca zhodna z rehłamientam. Da pabačeńnia», — adrezała načalnik upraŭleńnia Taćciana Łatyšava, adznačyŭšy tolki, što ŭsia infarmacyja ab pryznačeńni aŭto raźmieščana va ŭmovach tendaru.
Adnak va ŭmovach tendaru havorycca tolki pra toje, što aŭtamabil maje kuzaŭ typu siedan za 250 miljonaŭ rubloŭ, kuplajecca za košt srodkaŭ miascovaha biudžetu i pavinien być abstalavany elektraškłopadjomnikami, aŭdyjosistemaj z čatyrma dynamikami śpieradu i padahrevam piarednich siadzieńniaŭ.
Suma, jakuju hatovyja addać za lehkavy aŭtamabil va ŭpraŭleńni pa pracy, zaniataści i sacyjalnaj abaronie Baranavickaha harvykankama samaja vysokaja siarod raźmieščanych na sajcie dziaržzakupak zajavak u paraŭnańni z upraŭleńniami inšych haradoŭ abłasnoha padparadkavańnia.Naprykład, pinskaje kiravańnie prapanoŭvaje za lehkavy aŭtamabil 165000000 rubloŭ, kiravańnie Vaŭkavyskaha rajvykankama — 127500000 rubloŭ.
Samy ž darahi aŭtamabil paśla baranavickaha — čorny UAZ, jaki kuplaje terytaryjalny centr sacyjalnaha absłuhoŭvańnia nasielnictva Barysaŭskaha rajona. Aŭto kaštuje 210 miljonaŭ, i tam taksama patrabujuć najaŭnaści ŭ aŭtamabili padahrevu piarednich siadzieńniaŭ, a akramia taho lohkaspłaŭnych dyskaŭ i parktronik.
Miž tym, za sumu, jakuju baranavickaje kiravańnie marnuje na lehkavy aŭtamabil, centry sacyjalnaha absłuhoŭvańnia ŭ inšych haradach vyłučajuć na nabyćcio mikraaŭtobusaŭ i aŭtamabilaŭ dla pieravozki ludziej z abmiežavanymi fizičnymi mahčymaściami.
