9 červienia pačaŭsia aficyjny vizit ministra zamiežnych spraŭ Biełarusi Uładzimira Makieja ŭ Azierbajdžan.

«Heta pieršy vizit na ŭzroŭni kiraŭnikoŭ źniešniepalityčnych viedamstvaŭ z momantu ŭstalavańnia dypłamatyčnych adnosin pamiž Biełaruśsiu i Azierbajdžanam u červieni 1993 hoda», — paviedamlaje pres-słužba biełaruskaha MZS.

U miežach vizitu zapłanavany sustrečy Makieja z prezidentam Azierbajdžana Ilchamam Alijevym i ministram zamiežnych spraŭ Elmaram Mamiedźjaravym. Kiraŭnik biełaruskaha źniešniepalityčnaha viedamstva vystupić u Azierbajdžanskaj dypłamatyčnaj akademii, naviedaje Bakinski słavianski ŭniviersitet i Centr biełaruskaj kultury pry hetaj VNU.

«Padčas pieramoŭ baki abmiarkujuć šyrokaje koła pytańniaŭ supracoŭnictva ŭ palityčnaj, handlova-ekanamičnaj, humanitarnaj i inšych śfierach. Buduć razhladacca pytańni ŭmacavańnia supracoŭnictva na mižnarodnaj arenie, u tym liku ŭ miežach AAN i ABSIE», — paviedamlaje pres-słužba.

Vizit praciahniecca pa 11 červienia.

Pavodle danych biełaruskaj statystyki, u 2012 hodzie biełaruska-azierbajdžanski tavaraabarot skłaŭ 223,3 młn. dołaraŭ (źniziŭsia na 78,2%), biełaruski ekspart — 211 młn. dołaraŭ (vyras na 5,4%), impart — 12,2 młn. dołaraŭ (źniziŭsia na 98,5%).

U studzieni-krasaviku hetaha hoda tavaraabarot skłaŭ 62,2 młn. dołaraŭ i ŭ paraŭnańni z anałahičnym pieryjadam 2012 hoda pavialičyŭsia na 10,3%, ekspart — 58 młn. dołaraŭ (pavialičyŭsia na 12,6%), impart — 4,2 młn. dołaraŭ (pamienšyŭsia na 14,2%). Salda — stanoŭčaje (53,8 młn. dołaraŭ).

Tavarapravodnaja sietka biełaruskich vytvorcaŭ na rynku Azierbajdžana pradstaŭlena tryma handlovymi damami i 30 dylerami.

U Azierbajdžanie ažyćciaŭlajecca zborka biełaruskich traktaroŭ, hruzavych aŭtamabilaŭ, aŭtakranaŭ, kamunalnaj techniki, aptyčnaha abstalavańnia, liftaŭ. Lidar u halinie vytvorčaj kaapieracyi — Hiandžynski aŭtazavod.

U žniŭni 2012 hoda ŭ Minsku praviedziena siomaje pasiadžeńnie mižuradavaj biełaruska-azierbajdžanskaj kamisii pa handlova-ekanamičnym supracoŭnictvie.

U 2012 hodzie ŭ Biełaruś z Azierbajdžana pryciahnuta pramych inviestycyj na 13,8 młn. dołaraŭ.

«Biełaruski bok zacikaŭleny ŭ naroščvańni mahutnaściaŭ dziejnych u Azierbajdžanie biełaruskich zboračnych vytvorčaściaŭ, pašyreńni madelnaha šerahu zboračnaj techniki, realizacyi novych prajektaŭ u budaŭničaj śfiery, adukacyi, miedycynie, navucy i kultury. Jość značny patencyjał u raźvićci inviestycyjnaha supracoŭnictva i pryciahnieńni azierbajdžanskaha boku da prajektaŭ, što realizujucca ŭ Biełarusi», — adznačaje pres-słužba MZS Biełarusi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?