Jak stała viadoma «Salidarnaści», apalny fakultet HrDU likvidujuć.
Čutki pra toje, što histfak mohuć abjadnać z fakultetam turyzmu aktyŭna chadzili apošnija dva miesiacy. Prykładna z času zvalnieńnia apalnaha historyka Viačasłava Švieda.
Dekan histfaka Edmund Jarmusik paćvierdziŭ «Salidarnaści», što pytańnie z abjadnańniem fakultetaŭ sapraŭdy vyrašajecca.
— Kali ŭ vas jość takaja infarmacyja, to, jak viadoma, dyma biez ahnia nie byvaje, — adznačyŭ Edmund Jarmusik. — Takoje rašeńnie jość. Jano abmiarkoŭvajecca. Ničoha strašnaha ŭ hetym niama. Heta naturalnaja rearhanizacyja vučebnaha pracesu. Pry luboj uładzie i ŭ luboj krainie my pavinny siejać razumnaje, dobraje, viečnaje. Dla nas hałoŭnaje — heta studenty. Historyja jak pradmiet u lubym vypadku zastajecca. A ŭsio astatniaje — heta farmalnaść.
Raniej adznačałasia, što imaviernym dekanam novaha abjadnanaha fakulteta moža stać siońniašni dekan fakulteta turyzmu i siervisu Siarhiej Danskich. Dekan fakulteta historyi i sacyjałohii Edmund Jarmusik, zhodna z tymi ž čutkami, moža atrymać pasadu zahadčyka kafiedry historyi Biełarusi. Jakim čynam vyrašana hetaje pytańnie, pakul nieviadoma.
— Ziamla čutkami poŭnicca, — adznačyŭ Jarmusik. — Mnie pra heta ničoha nie viadoma. Źviartajciesia da rektara.
Zrazumieła, što abjadnańnie fakultetaŭ paciahnie za saboj i skaračeńnie štataŭ. Takim čynam univiersitet całkam zakonna zmoža pazbavicca ad rešty «niadobranadziejnych» historykaŭ, jakija pakul zajmajuć svaje pasady.
Represii ŭ dačynieńni da vykładčykaŭ histfaka iduć užo daŭno. Vosieńniu 2012 hoda z univiersiteta byŭ zvolnieny adzin z aŭtaraŭ knihi «Hrodnaznaŭstva» Andrej Čarniakievič.
Pryčym, Siamion Šapira pryznaŭsia, što asabista zahadaŭ zvolnić Čarniakieviča: «Nakont Čarniakieviča prymaŭ zahad ja asabista», — skazaŭ kiraŭnik Hrodzienskaha abłvykankama. «Napisali padručnik i nadrukavali za miažoju. Za čyje hrošy? Nie, kab da mianie pryjści i pahavaryć!.."
Šapira ščyra pryznaŭsia, što rehularna čytaje zvodki KDB i viedaje ŭsich univiersiteckich «apazicyjanieraŭ» paimienna. «Va ŭniviersitecie šasnaccać čałaviek, jakija zaklikajuć źvierhnuć uładu», — skazaŭ Šapira.
U chutkim časie pra svoj sychod z univiersitetu na znak pratestu suprać cisku na kaleh zajaviŭ u adkrytym liście da kiraŭnika Hrodzienskaha abłvykankama staršy vykładčyk kafiedry teoryi dziaržavy i prava Ihar Kuźminič.
