Pomnik Alhierdu. Eskiz čarnavoha varyjantu.
Tak pomnik Alhierdu maje być upisany ŭ panaramu Viciebska.
Inicyjatyva asobnych hramadzianaŭ pieraškodzić ustalavańniu pomnika vyklikała abureńnie hramadskaści horada, sprečki vakoł asoby kniazia Alhierda praciahvajucca.
U abaronu pomnika vystupiŭ pieršy sakratar Viciebskaha abkama KPB Alaksandar Dziadzinkin. Paśla taho, jak infarmacyjnaja ahiencyja Regnum nadrukavała
čarhovy list da Alaksandra Łukašenki z patrabavańniem admianić ustalavańnie pomnika, aktyvist KPB zajaviŭ pra supolnuju pazicyju svaich partyjcaŭ:
«Na pasiadžeńni biuro abkama my abmiarkoŭvali pytańnie pra metazhodnaść pomnika kniaziu Alhierdu. Kamunisty Viciebsku padtrymlivajuć hetuju inicyjatyvu. Heta vialiki kniaź, heta honar našaj historyi»
Takim čynam spadar Dziadzinkin adhuknuŭsia na źviestki pra toje, što čarhovy list da Alaksandra Łukašenki padpisała niechta Tamara Ciščanka, staršynia arhkamiteta pa stvareńni partyi BKPP (Biełaruskaj kamunistyčnaj partyi pracoŭnych). Pra stvoranuju BKPP u Viciebsku amal nichto nie viedaje, i kab nie było błytaniny, sakratar abkama KPB ahučyŭ partyjnuju pazicyju.
