Uładzimir Damanieŭski (źleva) i Dźmitryj Habaroŭ.
10 červienia Alaksandr Łukašenka razhledzieŭ kadravyja pytańni. Hałoŭnym pamočnikam pa ekanamičnych pytańniach pryznačyli Kiryła Rudoha.
Hałoŭnym inśpiektaram u Bresckaj vobłaści pryznačany Dźmitry Habaroŭ, u Hrodzienskaj — Uładzimir Damanieŭski.
Łukašenka padkreśliŭ, što naŭmysna adpraŭlaje ŭ Bresckuju i Hrodzienskuju vobłaści ludziej, jakija nie znajomyja blizka z pracaj hetych rehijonaŭ, z toj metaj, kab nie było kruhavoj paruki, kab inśpiektar nijak nie byŭ źviazany z kiraŭnictvam vobłaści.
Dźmitryj Habaroŭ byŭ da novaha pryznačeńnia staršynioj Mahiloŭskaha rajonnaha vykanaŭčaha kamiteta. Skončyŭ BDU i Akademiju kiravańnia pry Saviecie Ministraŭ RB.
Kala 20 hadoŭ pracavaŭ u sielskahaspadarčaj halinie Kaściukovickaha rajona, u tym liku ŭznačalvaŭ kałhas «Dubrova».
Uładzimir Damanieŭski byŭ staršynioj Słuckaha rajvykankama. Da hetaha pracavaŭ u hałoŭnym ŭpraŭleńni arhanizacyjna-kadravaj raboty Minabłvykankama, inśpiektaram pa Minskaj vobłaści. Skončyŭ Biełaruski instytut miechanizacyi sielskaj haspadarki (ciapier — Biełaruski dziaržaŭny ahrarny techničny univiersitet), Akademiju kiravańnia pry prezidencie.
