Płanujecca, što sud nad biełaruskaj, jakaja znachodzicca ŭ šviedskaj turmie, — Volhaj Kłaskoŭskaj projdzie 4–5 lipienia. Pra heta jana skazała ŭ pieršaj za try miesiacy ŭtrymańnia pad vartaj telefonnaj razmovie z maci Ludmiłaj.
Pa słovach maci, Volzie źmianili režym strohaha adzinočnaha źniavoleńnia na miakčejšy. Dahetul jana dva z pałovaj miesiacy prabyła ŭ izalacyi biaz prava spatkańniaŭ, telefonnych razmovaŭ, znosin ź inšymi padślednymi. Volha pa-raniejšamu ŭ adzinočnaj kamiery, ale ciapier maje prava na daŭžejšyja prahułki, znosiny z susiedziami ź inšych kamier, siarod jakich jość i vychadcy z krain SND.
Pra zatrymańnie 30-hadovaj Volhi Kłaskoŭskaj pa padazreńni ŭ zamachu na zabojstva byłoha muža stała viadoma 2 krasavika.
