U piatnicu, 14 červienia, pačynajecca centralizavanaje testavańnie, pieršym jano projdzie pa biełaruskaj movie. Pačatak usich ispytaŭ a 11-j hadzinie.
U subotu, 15 červienia, projdzie testavańnie pa ruskaj movie, 17 červienia (paniadziełak) — pa bijałohii, 19 červienia (sierada) — pa matematycy,
21-ha (piatnica) — pa hramadaznaŭstvie, 22-ha (subota) — pa fizicy, 23-ha (niadziela) — pa historyi Biełarusi,
24 červienia (paniadziełak) — pa chimii, 25-ha (aŭtorak) — pa suśvietnaj historyi, 27-ha (čaćvier) — pa zamiežnych movach, 28-ha červienia — pa hieahrafii.
Sioleta dla ŭdziełu ŭ centralizavanym testavańni zarehistravalisia 117 768 čałaviek.
Na ruskuju movu zapisalisia 83 829 čałaviek, na biełaruskuju — 33 564.
Druhoj pa masavaści stała matematyka — bolš jak 76 tysiač achvotnych.Na centralizavanaje testavańnie pa fizicy było aformlena i vydadziena 35 756 propuskaŭ, pa chimii — 14 705, bijałohii — 24 658, hieahrafii — 1899. Na test pa anhlijskaj movie zarehistravalisia 23 389 čałaviek, a na ispanskuju movu — tolki 248.
Hramadaznaŭstva ŭ punkty praviadzieńnia testavańnia pryjduć zdavać 8250 čałaviek, suśvietnuju historyju najnoŭšaha času — 1491, historyju Biełarusi — 19 174.
