Ukrainskaja praŭda: Zachad stavić na Kličko

Internet-hazietapiša, što Julija Cimašenka maje mała šancaŭ na vychad z turmy da prezidenckich vybaraŭ va Ukrainie. U takich umovach ZŠA i Niamieččyna robiać staŭku na čempijona pa boksie Vitala Kličko, jaki ŭznačalvaje partyju «Udar», što maje treciuju pa kolkaści deputataŭ frakcyju ŭ Viarchoŭnaj Radzie.

Kličko pa svaim rejtynhu sastupaje i Janukoviču, i Cimašency, ale jak palityk-centryst maje najmienšy niehatyŭny zarad.

Prezidenckija ambicyi vykazvali taksama Arsień Jacaniuk, kiraŭnik partyi «Baćkaŭščyna» ŭ adsutnaść Cimašenki i lidar nacyjanalistyčnaj partyi «Svaboda» Aleh Ciahnibok. Ludźmi z prezidenckim patencyjałam palitołahi ličać taksama byłoha ministra zamiežnych spravaŭ Piatra Parašenku i byłoha vice-premjera i kiraŭnika śpiecsłužby Valeryja Charaškoŭskaha.

Kličko aktyŭna padtrymaŭ Aranžavuju revalucyju 2004 hoda. Siarod jahonych minusaŭ — adsutnaść vopytu dziaržaŭnaha kiravańnia. Vakoł Klička zhurtavalisia jak niekatoryja ŭdzielniki «aranžavaj kamandy» Juščanki, tak i šerah multymiljanieraŭ z daniecka-dnieprapiatroŭskaj hrupoŭki.

MB

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH