Parcalana z kalekcyi «Vycinanka».
Parcalana z kalekcyi «Vycinanka».
Parcalana z kalekcyi «Vycinanka».
Parcalana z kalekcyi «Vycinanka».
Parcalana z kalekcyi «Zbroja VKŁ».
Parcalana z kalekcyi «Zbroja VKŁ».
Parcalana z kalekcyi «Zbroja VKŁ».
Parcalana z kalekcyi «Zbroja VKŁ».
Zasnavany ŭ 2011 hodzie pradprymalnicaj Halinaj Jaščankaj brend Karali zavajavaŭ viadomaść niepaŭtornym myłam ručnoj raboty. Kancepcyja stvareńnia jakasnaha admietnaha praduktu z historyjaj, ale pavodle sučasnych technałohijaŭ i standartaŭ jakaści dazvoliła novamu brendu litaralna ŭvarvacca na rynak i stać pieramožcam. Na fiestyvali biełaruskaj rekłamy i kamunikacyjaŭ AD.NAK! u 2012 hodzie Karali stali pieramožcami: uziali 1-je miesca ŭ naminacyi «Biełaruskaaryjentavany rekłamny i kamunikacyjny prajekt» i 2-je miesca ŭ naminacyi «Internet-rekłama», havorycca ŭ pres-relizie, dasłanym u redakcyju «NN».
Na dadzieny momant myła Karali pradajecca ŭ 25 kramach pa ŭsioj Biełarusi. Akramia taho, jaho zamaŭlajuć ambasady krainy, biznes-kampanii, a taksama šlubnyja pary ŭ padarunak haściam.
Natchniŭšysia hetym pośpiecham, aŭtary prajekta ŭzialisia za stvareńnie pad brendam Karali parcalany ručnoha vyrabu.
Kožnaja kalekcyja parcalany Karali apaviadaje pra admietnyja źjavy biełaruskaj kultury i historyi.Praz reljefy i dekoli vy dakranieciesia da vytančanych uzoraŭ vycinanak, šlachietnych formaŭ kniaskich miačoŭ i alebardaŭ dy inšych admietnaściaŭ biełaruskaj kultury i historyi: ich cikava abmierkavać ź siabrami, ź imi važna paznajomić dziaciej, ich pryjemna prezientavać haściam z-za miažy, havorycca ŭ pres-relizie.
Parcalana Karali raspracavanaja admysłova ŭ adpaviaviednaści z usimi standartami sučasnaha, jakasnaha, luksusovaha posudu z parcalany.
«Lubaja Vaša viačera z parcalanaj Karali pieraŭtvorycca ŭ čaroŭny rytuał vysakarodnaha charastva. Parcalana Karali stvaraje šlachietnuju atmaśfieru i daryć prahažość i vytančanaść kožnamu momantu», — abiacajuć u pres-relizie aŭtary novaha prajekta Halina Jaščanka i kieramist Volha Ramaniuk.
Voś jak aŭtary apisvajuć svaje novyja kalekcyi parciałany.
Kalekcyja parcalany «Vycinanka» — heta ŭnikalnaja mastackaja źjava. Manachromny bieły posud z fantazijnym arnamientam pavodle matyvaŭ tradycyjnaj vycinanki — heta hustoŭnaje spałučeńnie kranalnaj ciepłyni i trendavych dyzajnierskich rašeńniaŭ sučasnaści. Zdabytki historyi i kultury ŭ vyhladzie arnamientaŭ vycinanki, naniesienych na parcalanu Karali robiacca zdabytkami sučasnaści i pretendujuć na rolu kultavych pradmietaŭ pobytu. Fantastyčnyja chitrasplacieńni halinak, listočkaŭ, kvietak pieranosiać Vas ŭ śviet mrojaŭ. Pilny pozirk vychapić pary ptušak na halinkach kazačnaha dreva — hety matyŭ asacyjujecca ź viasnoj, ciapłom, śviatłom. Kazačnyja ptuški, jakija z zamiłavańniem hladziać adna adnoj u vočy — staražytny simvał uzajemnaha kachańnia.
Parcalana Karali, upryhožanaja arnamientalnaj vycininkaj z vyjavaj Dreva žyćcia i kachańnia — abiareh Vašaj siamji i sakralny padarunak z hłybokim sensam, z najlepšymi zyčeńniami doŭhaha žyćcia i ŭzajemnaha kachańnia Vašym blizkim.
Kalekcyja parcalany «Zbroja VKŁ» — heta śmieły krok i danina pavahi svajoj ziamli i hierojam. Parcalana Karali sieryi «Zbroja» stvoranaja pad uździejańniem mahii epochi rycarstva, siaredniaviečča. Spadčyna Vialikaha Kniastva Litoŭskaha zdabyvałasia miačami, kordami, pikami, alebardami, stupicami, siakierami i mužnaściu advažnych vajaroŭ. Śmiełaje spałučeńnie vyjavaŭ chałodnaj zbroi z parcalanaj, što niasie ciapło i ŭtulnaść, uzrušvaje pačućci, prymušaje kroŭ chutčej biehčy ŭ žyłach, a ruku macniej ściskać kubak. Zbroja zaŭsiody zastaniecca asabistym skarbam mužčyny, jana adlustroŭvaje jahonuju sutnaść i nakanavańnie. Šlachcič byŭ vojam, pakul trymaŭ u rukach zbroju.
Pobač ź ideałami roŭnaści i ŭzajemadapamohi rycarski kodeks patrabavaŭ padtrymlivać carkvu, baranić słabych, šanavać žančynu, demanstravać asabistuju mužnaść, a taksama dbać pra adukacyju i navuku. Biełaruskaja šlachta zaŭsiody kiravałasia devizam «Žyćcio — Ajčynie, honar — nikomu!».
Na kožny z pradmietaŭ kalekcyi «Zbroja VKŁ» naniesieny hierb «Kalumny» — adzin ź dziaržaŭnych simvałaŭ Vialikaha kniastva Litoŭskaha. U Hrunvaldskaj bitvie 1410 hoda z 40 charuhvaŭ VKŁ 10 byli z vyjavaj «Kalumnaŭ».
Kalekcyja parcalany Karali ŭklučaje ŭ siabie pradmiety, jakija całkam mohuć być samadastatkovym padarunkam ci suvieniram, ale pryznačanyja dla štodzionnaha ŭtylitarnaha ŭžytku: imryk, kubak, spodak, šklanka, salnička, pieračnica i, biezumoŭna, mylnica.
Padrabiazna pra ŭmovy nabyćcia parcalany Karali možna praz sajt www.karali.by.
Dadatkovuju infarmacyju možana atrymać praz e-mail: [email protected], teł. +375-44-730-79-04.
