Nazvanyja najlepšyja biełaruskija albomy za piać hod 1

13 červienia 2008 hoda ŭ biełaruskaj internet-prastory źjaviŭsia ŭnikalny prajekt: sajt Experty.by voś užo piać hod zajmajecca katałahizacyjaj i acenkaj biełaruskaj muzyki. Da hetaha hoda ŭ štat uvachodzili čatyry znanyja krytyki Siarhiej Budkin, Źmicier Biezkaravajny, Aleh Klimaŭ i Źmicier Padbiarezski. Sioleta da ich dałučylisia Alaksandr Čarnucha i Jahor Cyvilka.

U honar piacihodździa, ekśpierty vyvieli rejtynh najlepšych albomaŭ za piać hod. Časam pazicyja ci najaŭnaść ŭ rejtynhu taho ci inšaha alboma moža ździvić, adnak heta ŭžo pytańnie da statystyki.

Takim čynam, piaciorka najlepšych albomaŭ 2008–2012 vyhladaje tak:

1. Trojca «Zimačka» (2011) — 9.50 bałaŭ

2. Źmicier Vajciuškievič «Vajačak» (2012) — 9.25 bałaŭ

3. Lapis Trubiackoj «Viesiełyje kartinki» (2011) — 9 bałaŭ

4. Trojca «Son-trava» (2008) — 9 bałaŭ

5. Pałac «Koła hrukatała» (2012) — 9 bałaŭ.

Samy nizki rejtynh u historyi sajta atrymała śpiavačka Lučana za albom «Uleču», jaki atrymaŭ 1.5 bałaŭ z 10 mahčymych.

Samym «dobrym» z ekśpiertaŭ staŭ Emicier Padbiarezski — u sumie jon pastaviŭ usim albomam za piać hod 2312 bałaŭ, u toj čas jak samym biaźlitasnym staŭ Aleh Klimaŭ — 2179 bałaŭ sumarna.

«Naša Niva» vinšuje kaleh ź pieršym jubilejem!

JUU

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH