«Krajavidy ziamli biełaruskaj: Kłasiki biełaruskaha žyvapisu z pryvatnych zboraŭ»

17 červienia 2013 h. a 17-j hadzinie Dziaržaŭny litaraturny muziej Janki Kupały zaprašaje na viernisaž druhoj vystavy mastackaha prajekta «Krajavidy ziamli biełaruskaj: Kłasiki biełaruskaha žyvapisu z pryvatnych zboraŭ».

Pieršaja vystava prajekta adbyłasia ŭ listapadzie 2012 hoda. Jak i tady, amatary žyvapisu i prychilniki biełaruskaj kultury majuć mahčymaść acanić tvorčuju spadčynu mastakoŭ-suajčyńnikaŭ Barysa Arakčejeva, Ivana Achremčyka, Antona Barchatkova, Ibrahima Hiembickaha, Mikałaja Dučyca, Valarjany Žołtak, Alaksandra Kazłoŭskaha, Ivana Karasiova, Antona Karžanieŭskaha, Piatra Krochaleva, Viačasłava Kubarava, Raisy Kudrevič, Barysa Niapomniaščaha, Piatra Śvientachoŭskaha, Michasia Sieŭruka, Uładzimira Stalmašonka, Bitala Cvirki, Jaŭhiena Cichanoviča.

Cudoŭnyja pałotny hetych mastakoŭ, pryśviečanyja rodnaj biełaruskaj ziamli, zachoŭvajuć i ŭ ramkach prajekta prezientujuć pryvatnyja kalekcyjaniery Michaił Andrejeŭ, Ihar Barchatkoŭ, Dźmitryj Bisiukoŭ, Ina Haŭryłava, Alaksandr i Ina Radajevy, Alaksandr Unukaŭ.

Padčas viernisažu prahučać vieršy Janki Kupały i muzyčnyja kampazicyi na jaho słovy.

Vystava praciahniecca da 2 lipienia 2013 hoda.

Ała Dražyna

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH