Vyjšaŭ novy Arche, pieršy paśla paŭzy 10

Hałoŭny redaktar časopisa Valer Bułhakaŭ sa śviežym numaram u rukach.

Pieršy numar niezaležnaha časopisa za 2013 hod vyjšaŭ paśla mała nie hadavoha pierapynku.

Jon byŭ padrychtavany jašče ŭ 2012-m i lažaŭ u drukarni ŭvosień, kali na časopis zvaliłasia pravierka Departamienta finansavych rasśledavańniaŭ.

Numar składajecca ź pierakładaŭ prac zachodnich daśledčykaŭ Druhoj suśvietnaj vajny, jakija vyvučali Biełaruś.

«Tut jość publikacyi, pryśviečanyja prablemam nacysckaha teroru, ździajśnianaha nacystami pry dapamozie svaich prychilnikaŭ ź liku miascovaha nasielnictva, teksty, pryśviečanyja zusim nie prostym uzajemaadnosinam miascovaha nasielnictva z partyzanami», — piša namieśnik hałoŭnaha redaktara časopisa, historyk Aleś Paškievič u pradmovie, jakaja zaviecca «Miž dvuch ahnioŭ».

Časopis, jak zaŭždy, bahata ilustravany ŭnikalnymi archiŭnymi fota i materyjałami.

U vieraśni hałoŭny redaktar «Arche» Valer Bułhakaŭ byŭ zatrymany ŭ Hrodnie na prezientacyi knihi Jana Šumskaha «Savietyzacyja Zachodniaj Biełarusi». Jaho abvinavacili ŭ niezakonnaj pradprymalnickaj dziejnaści. U drukarni, dzie vychodziŭ časopis, upraŭleńnie Departamienta finansavych rasśledavańniaŭ praviało pravierku. Bułhakava aštrafavali na 500 tysiač rubloŭ. Aścierahajučysia jašče i kryminalnaha pieraśledu, jon pakinuŭ Biełaruś.

Akazałasia, što ničoha kryminalnaha niama, 22 sakavika stała viadoma, što nijakaj spravy suprać «Arche» zaviedziena nie było. U siaredzinie krasavika Bułhakaŭ viarnuŭsia ŭ krainu. Ale pa-raniejšamu pad aryštam znachodziacca 5000 knižak, kanfiskavanych u jaho vosieńniu.

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH