Na biełaruska-litoŭskaj miažy pierakryty bujny kanał nielehalnaj mihracyi 5

Hrodzienskija pamiežniki na litoŭskim napramku 11 červienia zatrymali čatyry aŭtamabili, u jakich znachodziłasia hrupa nielehalnych mihrantaŭ.

Jak paviedamili ŭ pres-centry Dziaržaŭnaha pahraničnaha kamiteta Biełarusi, vyśvietliłasia, što arhanizatar i troje chaŭruśnikaŭ, jakija kiravali transpartnymi srodkami, ažyćciavili niezakonny ŭjezd i transparciroŭku pa terytoryi Biełarusi 16 hramadzian Vjetnama.

U płanach złamyśnikaŭ było dastavić ich da miažy ź Litvoj dla dalejšaha niezakonnaha pieramiaščeńnia ŭ krainy Jeŭrasajuza. Usie inšaziemcy dastaŭleny ŭ IČU Hrodzienskaj pahranhrupy dla dalejšaha razboru.

Suprać asob, jakija mieli dačynieńnie da arhanizacyi niezakonnaj mihracyi vjetnamcaŭ, raspačata sprava na padstavie častki 2 artykuła 371–1 KK. Hramadzianam Vjetnama daviadziecca adkazać zhodna z artykułam 23.55 KoAP (parušeńnie praviłaŭ znachodžańnia ŭ Respublicy Biełaruś, a taksama praviłaŭ tranzitnaha prajezdu (tranzitu) cieraz terytoryju Respubliki Biełaruś).

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH