Supracoŭnik adnaho ź biełaruskich bankaŭ razam sa zmoŭščykam ŭ kancy 2012 hoda skraŭ ź dźviuch bankaŭskich jačejek klijentaŭ 400 i 340 tysiač dalaraŭ adpaviedna. Hrošy padzialili pamiž saboj.
«Arhanizatar złačynstvy padčas pracy ŭ banku kuryravaŭ pracu depazitaryja. Pry farmiravańni schoviščy jon zrabiŭ papiarovyja adbitki klučoŭ ad indyvidualnych bankaŭskich siejfaŭ. Niezadoŭha da zvalnieńnia — jaho pasadu ŭ banku skaračali — mužčyna vyrašyŭ zrabić dublikaty klučoŭ, a ŭ dalejšym — vyjavić siejfy i vykraści ź ich majomaść», — raskazała TUT.BY staršy prakuror prakuratury Mbnska Nastaśsia Bondar.
Dublikat
Mužčyna viedaŭ, što ŭ pamiaškańni schovišča depazitaryja ŭstalavanaja schavanaja kamiera videanazirańnia: jaje jon zakryvaŭ pryniesienym z saboj arkušam papiery farmatu A4, — raskazali ŭ prakuratury.
U pracesie śledstva vyjaŭleny i šmatlikija parušeńni słužbovaj instrukcyi supracoŭnikami banka: jany dazvalali abvinavačanamu znachodzicca ŭ pamiaškańni depazitaryja adnamu na praciahu doŭhaha času, choć heta i zabaroniena.
Dać rady zadumanamu ŭ adzinočku było prablematyčna: zachoŭvać bujnyja sumy vykradzienych hrošaj u svaim kabiniecie ci mašynie abvinavačany nie moh, bajučysia, što ich mohuć zaŭvažyć albo vykraści. Daviałosia pryciahvać zmoŭščyka: tamu była abiacanaja pałova hrošaj «na nabyćcio kvatery» — tolki za toje, što jon zabiare skradzienaje ad budynka banka i zachavaje sumu da momantu padziełu.
— Svaimi naŭmysnymi dziejańniami, źviazanymi z tajemnym vykradańniem majomaści ŭ asabliva bujnym pamiery, były supracoŭnik banka ździejśniŭ złačynstva, praduhledžanaje č. 4 art. 205 KK RB «Kradziež, učynieny ŭ asabliva bujnym pamiery», — patłumačyła Anastasija Bondar.
Arhanizataru kradziažu i jaho zmoŭščyku pahražaje da 12 hadoŭ pazbaŭleńnia voli z kanfiskacyjaj majomaści. Prakuraturaj horada Minska kryminalnaja sprava nakiravanaja ŭ sud.
