Kurs dołara da kanca 2013 hoda ŭ Biełarusi składzie 9.200 rubloŭ, da kanca 2014 hoda — 9.500 rubloŭ, prahnazujuć ekśpierty daśledčaha centra IPM. Prezientacyja prahnozu, padrychtavanaha ŭ miežach prajekta Niamieckaj ekanamičnaj hrupy ŭ Biełarusi, adbyłasia ŭ Minsku 13 červienia.
«Raŭnavaha, jakaja ŭstanaviłasia na finansavych rynkach u apošnija pieryjady, ujaŭlajecca davoli chistkaj. Pry hetym manietarnyja ŭłady naceleny na niekatoraje źmiakčeńnie hrašovaj palityki, ale imknucca zabiaśpiečvać adnosna stabilny ŭzrovień naminalnaha abmiennaha kursu», — havorycca ŭ makraekanamičnym prahnozie, jaki padrychtavali ekśpierty centra.
Takaja palityka moža być paśpiachovaj tolki pry pryciahnieńni źniešnich pazyk, miarkujuć ekanamisty.
«Pry takim scenaryi my čakajem, što naminalny abmienny kurs składzie 9.200 rubloŭ i 9.500 rubloŭ za dołar na kaniec 2013 i 2014 hadoŭ adpaviedna. Adnak pry niedachopie źniešnich pazyk abiasceńvańnie nacyjanalnaj valuty moža być bolš istotnym», — miarkujuć pradstaŭniki daśledčaha centra IPM.
Adnosna inflacyi ekśpierty čakajuć, što jana składzie 17,8 i 9,6% u 2013 i 2014 hadach adpaviedna.
Nahadajem, biełaruskija ŭłady zapłanavali na 2013 hod źnižeńnie inflacyi da 12%, aficyjny prahnoz pa abmiennym kursie ŭ Biełarusi nie zaćvierdžany.
