Haspadarčy sud iznoŭ patrabuje ad carkvy «Novaje Žyćcio» vyzvalić budynak 4

13 červienia carkva «Novaje Žyćcio» atrymała pozvu ad sudovaha vykanaŭcy Haspadarčaha suda Minska Volhi Ščarbovič ab pačatku vykanaŭčaj vytvorčaści ŭ dačynieńni da carkvy. U hetym dakumiencie supołcy prapanujecca na praciahu 7 dzion vyzvalić zajmany joj budynak, raźmieščany pa adrasie: h. Minsk, vulica Kavalova, dom 72, paviedamlaje sajt carkvy «Novaje Žyćcio».

Dadzienaje rašeńnie pryniata Haspadarčym sudom stalicy na padstavie zajavy, jakaja pastupiła 29 maja 2013 ad UP «ŽREA Maskoŭskaha rajona horada Minska».

Juryst carkvy Siarhieja Łukanina prakamientavaŭ situacyju: «Chaču nahadać, što ŭ 2009 hodzie rašeńniem Haspadarčaha suda Minska budynak carkvy byŭ pieradadzieny va ŭłasnaść ŽREA Maskoŭskaha rajona. I pakul pravy na budynak pa dakumientach naležać ŽREA, hetaja arhanizacyja maje prava patrabavać vykanańnia rašeńnia suda».

Nahadajem, što ŭ listapadzie 2012 hoda carkva ŭžo atrymlivała padobny list, ale paśla rozhałasu ŭ ŚMI ŽREA Maskoŭskaha rajona adklikała svaje patrabavańni. Cudovaja vytvorčaść pa spravie budynka na Kavalova była całkam spynienaja i pieradadzienaja ŭ archiŭ.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH