82-hadovuju piensijanierku pad Hrodnam buduć sudzić za ŭstanoŭku kryža pamiaci polskich partyzanaŭ 53

Na adkryćci kryža pamiaci antysavieckich partyzanaŭ u vioscy Račkaŭščyna pad Ščučynam. Fota «Hłos znad Niemna».

Kiraŭnika niepryznanaha biełaruskimi ŭładami Sajuza palakaŭ Miečysłava Jaśkieviča buduć sudzić za ŭstanoŭku kryža ŭ vioscy Račkaŭščyna pad Ščučynam (Hrodzienskaja vobłaść) u pamiać apošniaha kamandzira ŭzbrojenych sił Armii Krajovaj Anatola Radzivonika.

Ščučynskaja milicyja pierasłała ŭ Hrodna kopiju pratakoła pra nibyta ŭčynienaje Jaśkievičam administracyjnaje pravaparušeńnie — praviadzieńnie niesankcyjanavanaha mitynhu.

Raniej stała viadoma, što anałahičny pratakoł składzieny pradstaŭnikami Ščučynskaha RAUS u dačynieńni da 82-hadovaj piensijanierki Vieraniki Siebaścianovič.

Vieranika Siebaścianovič była suviaznoj AKoŭcaŭ pad psieŭdanimam «Ružačka». Za heta jaje, 20-hadovuju, aryštavali ŭ 1951-m i asudzili na biaskoncyja 25 hadoŭ. U vyniku jana praviała ŭ savieckim kancłahiery čatyry hady i ŭ vyjšła na svabodu paśla śmierci Stalina.

Armija Krajova — polskaje ŭzbrojenaje padpolle — viała partyzanskuju vajnu suprać savietaŭ na terytoryi Zachodniaj Biełarusi, jakaja ŭ mižvajenny čas naležała Polščy. U hady vajny i paśla jaje AKoŭcy ździajśniali taksama akty teroru suprać biełaruskich aktyvistaŭ i pravasłaŭnaha nasielnictva. Dla ŭładaŭ RB Armija Krajova zastajecca tabu, bo jana zmahałasia suprać savieckaj ułady. U Polščy vieterany AK ličacca hierojami.

Sajuz palakaŭ Biełarusi pastaviŭ kryž pamiaci Radzivonika, viadomaha pad svaim partyzanskim psieŭdanimam «Olech», 12 maja, u 64-ju hadavinu jahonaj śmierci. Olech byŭ adnym z samych śmiełych kamandziraŭ padpolla. Jon zahinuŭ u 1949 hodzie, kali hrupu z 15 partyzan atačyŭ połk NKVD. 12 z 15 padpolščykaŭ zahinuli ŭ tym bai.

Praces Vieraniki Siebaścianovič adbudziecca ŭ Ščučynskim rajonnym sudzie 19 červienia.

MB; inf. Taćciana Karaviankova, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH