Skrynšot staronki adnaho z češskich sajtaŭ. Fota zatrymanych čynoŭnikaŭ i biźniesoŭcaŭ.
Supracoŭniki češskaj palicyi praviali pieratrus u domie adnaho z padazravanych. Fota MAFRA/Jan Zatorsky.
Češskaja palicyja ŭ chodzie niebyvała maštabnaj apieracyi zatrymała bližejšuju pamočnicu premjer-ministra Piatra Niečasa i niekalki inšych vysokapastaŭlenych čynoŭnikaŭ. Aryšty i pieratrusy źviazvajuć z baraćboj z karupcyjaj, paviedamlaje Bi-bi-si.
Jak paviedamlaje karespandent Bi-bi-si ŭ Prazie Rob Kemieran, rejdy palicyi pa kabinietach vysokapastaŭlenych čynoŭnikaŭ urada i ofisach biźniesmienaŭ, što pačalisia ŭ sieradu i jakija praciahvajucca ŭ čaćvier, nie majuć anałahaŭ u najnoŭšaj historyi Čechii.U ich prymajuć udzieł kala 400 palicejskich, mnohija ź jakich uvachodziać u elitnaje padraździaleńnie pa baraćbie z arhanizavanaj złačynnaściu.
Pieratrusy prajšli ŭ kabinietach centralnaha aparata ŭrada, u ministerstvie abarony i ŭ pamiaškańniach haradskich uładaŭ Prahi.
Pa dadzienych češskaj presy, siarod zatrymanych — kiraŭnik aparata, bližejšaja paplečnica i daradca premjer-ministra Piatra Niečasa Jana Nadźjova, adzin były ministr, były kiraŭnik vajennaj vyviedki i inšyja palityki i čynoŭniki.
Jak pieradaje karespandent Bi-bi-si, rejdy palicyi źviazvajuć z rasśledavańniem karupcyjnych suviaziaŭ pamiž biźniesmienami i čynoŭnikami i raźmierkavańniem dziaržaŭnych — ci pražskich haradskich — zamovaŭ i padradaŭ.
U suviazi z hetym češskaja presa nazyvaje imiony dvuch biznesmenaŭ-łabistaŭ, u jakich taksama prajšli pieratrusy.
Sam Piotr Niečas na terminova sklikanaj ŭ čaćvier pres-kanfierencyi skazaŭ, što pakul nie źbirajecca padavać z-za hetych padziej u adstaŭku.
"Ja ŭpeŭnieny, što sam asabista nie rabiŭ ničoha niesumlennaha, i što maje kalehi taksama ničoha niesumlennaha nie rabili", — skazaŭ premjer-ministr.
Prezident Čechii Miłaš Zieman abviaściŭ, što abmiarkuje situacyju, jakaja skłałasia ź Niačasam, kiraŭnikom palicyi krainy i lidaram apazicyjnaj Sacyjał-demakratyčnaj partyi Bahusłavam Sabotkaj ŭ piatnicu.
U piatnicu ž ranicaj Niečas, pavodle papiarednich płanaŭ, vystupić u parłamiencie.
"Kamientatary sychodziacca ŭ mierkavańni, što ŭsio heta moža stać apošnim udaram dla i biez taho niestabilnaha ŭrada Niečasa", — paviedamlaje karespandent Bi-bi-si.
