Heta stała viadoma paśla siońniašniaha hałasavańnia delehacyjaŭ, jakija ciapier uvachodziać u Radu AAN pa pravach čałavieka. Za rezalucyju, jakaja źmiaščaje prapanovu praciahnuć mandat Mikłašu Charaści, addali svaje hałasy delehacyi 26 krain, suprać vystupili 3, ustrymalisia 18. Zhodna z rehlamentam los pytańnia vyrašajecca prostaj balšynioj hałasoŭ.
U dyskusii ŭdzielničali pradstaŭniki Irlandyi, ZŠA, Biełarusi (Michaił Chvastoŭ), Venesueły, Ekvadoru.
Delehat Irlandyi, jaki vystupiŭ pa daručeńni krainaŭ Eŭraźviazu, jakija ŭvachodziać u Radu AAN, adznačyŭ: «Rezalucyja adlustroŭvaje vysnovy, zroblenyja specdakładčykam nakont sytuacyi z pravami čałavieka ŭ Biełarusi. Jany śviedčać pra isnavańnie surjoznych.parušeńniaŭ pravoŭ čałavieka. Hetyja parušeńni majuć systemny i systematyčny charaktar. Jany ŭklučajuć u siabie abmiežavańni prava na svabodu vykazvańniaŭ, mirnyja schody asacyjacyjaŭ. Taksama
Biełaruskija ŭłady, jak i čakałasia, padtrymaŭ pradstaŭnik Venesueły. Jon kazaŭ pra nibyta padvojnyja standarty adnosna da Biełarusi i palityzavanaść hetaha pytańnia. Paśla ŭsich vystupaŭ adbyłosia hałasavańnie.
Siabra rady pravaabarončaha centru «Viasna» Taciana Raviaka tak prakamentavała rašeńnie Rady pa pravach čałavieka AAN praciahnuć mandat specdakładčyka pa Biełarusi: «Vielmi stanoŭča, što rezalucyja pa Biełarusi ŭchvalenaja i mandat specdakładčyka budzie dziejničać jašče adzin hod. Heta znak taho, što sytuacyja z pravami čałavieka ŭ Biełarusi nie vypraŭlajecca i što jana znachodzicca ŭ poli zroku mižnarodnaj supolnaści. Heta vielmi mocny znak».
