Kraft i Pucin
Uładalnik amierykanskaha futbolnaha kłuba New England Patriots [razmova pra amierykanski futboł, kłub trojčy stanaviŭsia pieramožcam Supierboułu] Robiert Kraft znoŭ abvinavaciŭ Uładzimira Pucina ŭ kradziažy prestyžnaha pryza futbolnaj lihi — załatoha piarścionka z dyjamientami Super Bowl ring, piša The New York Post.
Kraft nahadaŭ, što ŭ 2004 hodzie jon pryjazdžaŭ u Pieciarburh, dzie sustreŭsia z Pucinym i pakazaŭ jamu piarścionak. Pa słovach uładalnika kłuba, prezident Rasii prymieryŭ jaho, a zatym pakłaŭ u kišeniu. Kraft chacieŭ viarnuć piarścionak, adnak jamu pieraškodzili supracoŭniki FSA. Paźniej Kraftu nibyta patelefanavali z administracyi prezidenta Džordža Buša i paprasili nie padymać šum, zajaviŭšy, što hetaja historyja «ŭ intaresach ZŠA».
Jak rastłumačyŭ telekanału CNN
«Ja stajaŭ u 20 santymietrach ad prezidenta i na svaje vušy čuŭ, jak mister Kraft zajaviŭ, što doryć jamu hety piarścionak», — zajaviŭ Piaskoŭ.
Ab hetaj historyi ŭładalnik New England Patriots ŭžo raspaviadaŭ u 2005 hodzie, tady aficyjnyja asoby admovilisia ad kamientaroŭ.
Uładzimir Pucin hatovy za svaje hrošy kupić i adpravić Robiertu Kraftu novy piarścionak naŭzamien piarścionka Super Bowl.
«Kali hety džentlmien adčuvaje sapraŭdy strašenny bol ad straty taho, što adbyłosia, zdajecca, u 2005 hodzie, u suviazi z aktam davieru, to prezident budzie hatovy adpravić jamu jaki-niebudź inšy piarścionak, jaki zmoža kupić za svaje hrošy», - raspavioŭ žurnalistam pres-sakratar prezidenta Dźmitryj Piaskoŭ.
