Adboračny turnir dla zbornaj Biełarusi pa handbole skončyŭsia fiejeryčna.
Barys Puchoŭski vyciahnuŭ biełarusaŭ na Jeŭra.
Chacia chto b u takoje pavieryŭ adrazu paśla losavańnia. Chłopcy Juryja Šaŭcova trapili ŭ adnu hrupu ź Isłandyjaj (adna z najmacniejšych zbornych śvietu na praciahu apošnich dziesiacihodździaŭ), Słavienijaj (čaćviortaja kamanda na apošnim suśvietnym pieršynstvie) i Rumynijaj.
Pačatak adboru tolki ŭzmacniŭ piesizm balelščykaŭ. Adčuvalnaja paraza ŭ Rejkjaviku. A potym ničyja ŭ hulni sa Słavienijaj doma, chacia mahli vyjhravać. Dźvie čakanyja pieramohi nad Rumynijaj nie nadali ŭpeŭnienaści. Bo ŭ dźviuch apošnich sustrečach našych čakała jašče toje vyprabavańnie — chatni matč ź Isłandyjaj i haściavy z Słavienijaj.
Mahčyma, isłandcy prybyli ŭ Minsk zanadta rassłablenymi, bo ŭžo zabiaśpiečyli sabie raniej pucioŭku na Jeŭra. Jak vynik našy pieramahli hastrolnych haściej navat biez traŭmavanaha Siarhieja Rutenki — 29:23.U Lublanie biełarusaŭ mahła zadavolić ničyja. I navat paraza, ale pry ŭmovie, što Rasija i Aŭstryja nie zhulajuć uničyju. Zrešty, čaho spadziavacca na inšych, kali ŭsio było ŭ biełaruskich rukach.
Rutenka vyjšaŭ na słavienski parkiet (dla jaho hety matč značyŭ šmat, bo Siarhiej niekali hulaŭ za hetuju zbornuju), choć hulnia davałasia jamu vielmi ciažka. Adčuvałasia, što naša zorka znachodzicca ŭ niedastatkova dobrych kandycyjach praz traŭmu. Najčaściej jon nie sam kidaŭ pa varotach, a vyvodziŭ na zaviaršalny kidok partnioraŭ.
U Rutenki — piać hałoŭ. U dva razy bolej za jaho zakinuŭ Barys Puchoŭski. Jon znoŭ, jak i ŭ hulni ź Isłandyjaj, uziaŭ na siabie rolu lidara. Chacia lidaram była ŭsia kamanda. Vydatnyja sejvy Kazimira Katlinskaha i Vitala Čarapieńki, hulnia praz bol Maksima Babičava, važnyja kidki Dzianisa Rutenki i Siarhieja Šyłoviča.U pieršym tajmie byŭ momant, kali našy sastupali piać hałoŭ. U druhim tajmie byli areli. To adna zbornaja praviadzie vydatny adrezak, to inšaja. Adnak biełarusy ni razu nie ŭpuskali haspadaroŭ bolš čym na adzin miač. Vydatnaja hulnia. I niervy biełarusaŭ akazalisia krapčejšymi, ruki nie dryželi pry vyrašalnych kidkach. Pieramoha — 35:33.
Ciapier hulnia Aŭstryi i Rasii dla nas zusim ničoha nie značyć. Biełarusy pajeduć naHeta druhi zapar top-turnir kudy prachodziać chłopcy Šaŭcova, takoha ŭ biełaruskim handbole nie było z pačatku 1990-ych.Jeŭra-2014 u Daniju (projdzie z 12 pa 26 studzienia).
Vyznačylisia ŭsie 16 udzielnikaŭ finalnaha turniru čempijanatu Jeŭropy.
Heta zbornyja Danii (haspadynia pieršynstva i dziejučy čempijon Jeŭropy), Ispanii, Makiedonii, Čechii, Čarnahoryi, Francyi, Narviehii, Charvatyi, Vienhryi, Šviecyi, Polščy, Isłandyi, Biełarusi, Sierbii, Aŭstryi i Rasii (lepšaja z kamand, jakija zaniali 3-ja miescy ŭ hrupach).
Losavańnie finalnaha turniru projdzie ŭ dackim Chierninhu 21 červienia i pačniecca ŭ 19.30 pa biełaruskim časie.
