Pastanovaj Savieta ministraŭ № 483 ad 13 červienia 2013 hoda vyzvaleny ad pasad šeść čynoŭnikaŭ.
Anatol Bułynia zvolnieny z pasady dyrektara departamienta pa mielijaracyi i vodnaj haspadarcy Ministerstva sielskaj haspadarki i charčavańnia pavodle pahadnieńnia bakoŭ.
Uładzimir Varaksa pakinuŭ pasadu dyrektara departamienta pa hieałohii Ministerstva pryrodnych resursaŭ i achovy navakolnaha asiarodździa «ŭ suviazi ź pieravodam da druhoha najmalnika».
Natalla Žarnasiek vyzvalena ad pasady dyrektara Fondu dziaržaŭnaj majomaści Dziaržkamiteta pa majomaści Biełarusi taksama «ŭ suviazi ź pieravodam da druhoha najmalnika».
Paśla zakančeńnia terminu dziejańnia kantrakta Aleh Maksiuta pakinuŭ pasadu dyrektara departamienta pa hidramietearałohii Minpryrody.
Siarhiej Nieściarovič zvolnieny z pasady namieśnika ministra suviazi i infarmatyzacyi z pryčyny skaračeńnia štata rabotnikaŭ.
Siarhiej Nierad vyzvaleny ad pasady namieśnika ministra sportu i turyzmu «u suviazi z učynieńniem prastupka, niesumiaščalnaha sa znachodžańniem na dziaržaŭnaj słužbie». Nahadajem, u kancy krasavika hetaha hoda Nierad byŭ zatrymany supracoŭnikami KDB, u dačynieńni da jaho raspačata sprava na padstavie č. 3 art. 430 KK (atrymańnie chabaru słužbovaj asobaj, jakaja zajmaje adkaznaje stanovišča). Pavodle źviestak śledstva, Nierad nieadnarazova atrymlivaŭ chabar, pryčym złačynstvy «mieli praciahły charaktar i adbyvalisia da 2012 hoda».