Chenłan pryznačany hałoŭnym trenieram zbornaj Biełarusi pa chakiei 4

Kantrakt byŭ padpisany 14 červienia, adnak pra heta Fiederacyja chakieja abviaściła tolki siońnia.

Pahadnieńnie ŭstupaje ŭ siłu 1 lipienia i raźličana pa formule 2+1 (padpisana na dva hady, a pry vykanańni abaviazacielstvaŭ moža być prałanhavana na tych ža ŭmovach jašče na hod).

Chenłan «užo raspracavaŭ i pradstaviŭ prahramu raźvićcia padrychtoŭki nacyjanalnaj zbornaj da čempijanatu śvietu 2014».

Zhodna z umovami kantraktu jon voźmie ŭdzieł nie tolki ŭ pracy z nacyjanalnaj zbornaj, ale i ŭ padrychtoŭcy stratehii raźvićcia maładziožnaha i junackaha chakieja.

Čakajecca, što kanadziec prybudzie ŭ Minsk u kancy lipienia — pačatku žniŭnia paśla kančatkovaha ŭzhadnieńnia prahramy padrychtoŭki zbornych kamand na siezon 2013–2014.

Chenłan treniravaŭ zbornuju Biełarusi pa chakiei na čempijanatach śvietu 2005, 2006 i 2009 hadoŭ. Na čempijanacie śvietu 2006 hoda ŭ Łatvii biełaruskaja kamanda zaniała 6 miesca.

Siezon 2009/2010 hadoŭ Chenłan pačaŭ na pasadzie hałoŭnaha treniera «Dynama-Minsk», adnak 20 kastryčnika 2009 h. byŭ adpraŭleny ŭ adstaŭku z-za niezdavalniajučych vynikaŭ kamandy. Praz dva tydni Chenłan pakinuŭ pasadu hałoŭnaha treniera zbornaj Biełarusi.

U 2010–2011 hadach kanadziec pracavaŭ sa zbornaj Słavakii, ale na čempijanatach śvietu nie dabiŭsia ź joj značnych pośpiechaŭ — 12-je i 10-je miescy.

U hetym hodzie biełaruskaja kamanda pad kiraŭnictvam Andreja Skabiełki nie zmahła vyjhrać alimpijski kvalifikacyjny turnir, a na čempijanacie śvietu zaniała 14-je miesca siarod 16 kamandaŭ.

Dźmitryj Ułasaŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH