Sud pa-raniejšamu prachodzić za začynienymi dźviaryma. Siońnia pavinna raspačacca apytańnie śviedkaŭ. Pra heta raskazaŭ žychar Navapołacka, aktyvist BCHD Illa Bahdanaŭ. Spačatku jaho vyklikali ŭ sud siońnia da 11-j hadziny, ale paźniej vizit pieranieśli sieradu, 19 červienia.
Maci padsudnaha, Volha Hajdukova, pakul što pozvy ŭ sud nie atrymała, chacia jana taksama źbirałasia śviedčyć na pracesie.
Andreja Hajdukova vinavaciać u zbory infarmacyi dla zamiežnych śpiecsłužbaŭ. Materyjały kryminalnaj spravy padsudnaha składajuć 4 tamy. Jaho vinavaciać pavodle dvuch artykułaŭ: častka 1 artykuła 14 — «Zamach na złačynstva», i častka 1 artykuła 356 — «Zdrada dziaržavie». 23-hadovamu apieratara navapołackaha «Naftana», zatrymanamu 8 listapada 2012 hoda, pahražaje ad 7 da 15 hadoŭ źniavoleńnia.
