Miarkujučy, što znachodzicca na dosyć biaśpiečnaj adlehłaści, mužčyna dastaŭ mabilny telefon i pačaŭ zdymać toje, što adbyvajecca. Akazałasia, što stupień ryzyki ni jon, ni pracoŭnyja, što znosili budynak, naležna nie acanili. Ciapier stupień ich adkaznaści budzie aceńvać śledstva.
Trahiedyja adbyłasia 16 červienia ŭ dvary adnoj z budaŭničych kramaŭ horada, na terytoryi jakoha prachodziŭ znos dvuchpaviarchovaha cahlanaha budynka.
Budynak znosili z dapamohaj buldoziera: da kaŭša prymacavali stalovyja trosy, supraćlehłyja kancy jakich byli zamacavanyja na ŭčastku ściany. Pakul šmattonnaja mašyna buksavała, sprabujučy vyrvać z mura kavałak, Jaŭhien Citoŭ, pradčuvajučy, jak padzielicca videazapisam ŭ internecie, padbadziorvaŭ pracoŭnych: «Davaj, davaj!»
U niejki momant ściana paddałasia, i vializny jaje kavałak pavaliŭsia na ziamlu, raźbiŭšysia na mnostva askiepkaŭ. Ad mocnaha ŭdaru cahliny adskočyli ad asfaltu i na vielizarnaj chutkaści chvalaj palacieli ŭ bok ludziej. Mužčyna, jaki stajaŭ pierad Jaŭhienam Citovym i taksama trymaŭ u rukach mabilny telefon, u apošniuju siekundu zdoleŭ adskočyć ubok. A voś hałoŭnaha hieroja videa chvala źbiła z noh. Mabilny telefon praciahvaŭ zdymać navat kali jaho ŭładalnik užo lažaŭ biez prytomnaści na ziamli, a vakoł jaho biehali ludzi, kryčali i prasili vyklikać chutkuju. Užo paźniej vyśvietliłasia, što jašče adnym paciarpiełym akazaŭsia mužčyna, jaki ŭ momant nadzvyčajnaha zdareńnia pryjechaŭ aŭtaservis u tym samym dvary. Jaho traŭmy akazalisia nie nadta ciažkimi, i daktary adpuścili jaho dadomu paśla akazańnia nieabchodnaj dapamohi.
Jaŭhienu Citovu nie pašenciła. Chirurhi zmahalisia za jaho žyćcio, ale vyratavać mužčynu nie ŭdałosia — traŭmy akazalisia zanadta surjoznymi. Jak paźniej raskzaali svajaki zahinułaha, u jaho byli złamanyja ŭsie rebry, razdroblenyja kostki taza, paškodžanyja ŭnutranyja orhany, a «ad hałavy zastałasia prosta kaša».
Videazapis dałučany da spravy
U Jaŭhiena Citova zastalisia žonka i trochhadovaja dačka.