Bychavu paabiacali novaje abličča — da Dnia biełaruskaj piśmiennaści 1

Pasiadžeńnie nacyjanalnaha arhkamiteta pa padrychtoŭcy i praviadzieńni Dnia biełaruskaj piśmiennaści prajšło ŭ Bychavie pad staršynstvam namieśnika prem'jer-ministra Anatola Tozika.

Jak paviedamlaje pres-słužba ŭrada, razhledžana kancepcyja praviadzieńnia śviata, chod padrychtoŭki abjektaŭ i dobraŭparadkavańnia terytoryj, arhanizacyja pracy handlovych kropak, paradak udziełu zamiežnych haściej i inšyja pytańni, źviazanyja z padrychtoŭkaj mierapryjemstva.

Pa vynikach pasiadžeńnia dadzieny daručeńni orhanam dziaržkiravańnia i arhanizacyjam pa aktyvizacyi rabot, źviazanych z padrychtoŭkaj abjektaŭ da praviadzieńnia mierapryjemstvaŭ, ich materyjalna-techničnym zabieśpiačeńniem.

Jak adznačyŭ u intervju žurnalistam Anatol Tozik, Bychaŭ da Dnia biełaruskaj piśmiennaści nabudzie novaje abličča. U horadzie ŭžo šmat zroblena pa padrychtoŭcy da śviata piśmiennaści. Pryniaty na pieršym pasiadžeńni arhkamiteta ŭ listapadzie hrafik rabot praktyčna poŭnaściu vykonvajecca. Usie prablemnyja biahučyja pytańni vyrašajucca apieratyŭna ŭ rabočym paradku. «Nidzie hrošy nie patračany darma. My budujem i rekanstrujujem abjekty z takim raźlikam, kab jany słužyli bychaŭčanam šmat hadoŭ. Pa sutnaści, da 1 vieraśnia horad nabudzie zusim novaje abličča: aktyŭna dobraŭparadkoŭvajecca centr, budujecca novy basiejn, idzie rekanstrukcyja kinateatra, Pałaca kultury, budynkaŭ aŭta- i čyhunačnaha vakzałaŭ z dobraŭparadkavańniem prylehłaj terytoryi. Raspačaty maštabnyja raboty pa adnaŭleńni ŭnikalnaha pomnika architektury ChVII stahodździa — Bychaŭskaha zamka», — raskazaŭ jon.

Vice-premjer taksama padkreśliŭ, što raboty na šerahu abjektaŭ sacyjalnaj infrastruktury viaducca ź niekatorym apiaredžańniem ustanoŭlenaha hrafika, nichto z padradčykaŭ nie padvioŭ, tamu možna z upeŭnienaściu kanstatavać, što Bychaŭ budzie hatovy prymać haściej užo paśla 25 žniŭnia, jak i płanavałasia.

Jubilejny XX Dzień biełaruskaj piśmiennaści projdzie ŭ Bychavie 1 vieraśnia 2013 hoda.

Alaksiej Areška, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH