Žonku kiraŭnika Azierbajdžana Miechryban Alijevu vyłučyli kandydatam na prezidenckich vybarach. Heta zrabiła partyja «Śviet demakratyčnaha Azierbajdžana».
Partyja «Śviet demakratyčnaha Azierbajdžana», jak adznačaje krynica, była stvorana niekalki hadoŭ tamu. Asablivaj aktyŭnaściu da hetaha času nie adroźnivałasia. Z ulikam taho, što dziejučy prezident Ilcham Alijeŭ užo byŭ vyłučany na čarhovy termin, miarkujecca, što ŭklučeńnie ŭ vybarčuju kampaniju žonki prezidenta źjaŭlajecca «novaj stratehijaj kirujučaj kamandy».
Naŭrad ci adna z praŭładnych partyj vyrašyłasia b vyłučyć kandydaturu pieršaj łedzi biez adpaviednaha rasparadžeńnia abo parady źvierchu, — miarkujuć ekśpierty.
Prezidenckija vybary ŭ Azierbajdžanie płanujecca pravieści vosieńniu 2013 hoda. Pra namier udzielničać u ich zajavili ŭžo niekalki pradstaŭnikoŭ apazicyi. Adzinym kandydatam ad apazycijnych siłaŭ, jak čakajecca, moža stać dramaturh Rustam Ibrahimbiekaŭ. Ilcham Alijeŭ na hetych vybarach moža być abrany na treci termin.
