Na piennaj viečaryncy ŭ Homieli dziasiatki čałaviek atrymali apioki vačej? 1

Pra heta paviedamlajuć karystalniki sacsietak.

U pryvatnaści, karystalnik Stas Kajoška piša, što praktyčna ničoha nie bačyć i nie moža vyjści na vulicu biez akularaŭ. Vočy ŭ jaho vielmi mocna balać. Pa słovach maładoha čałavieka, jon źviartaŭsia ŭ balnicu, i tam jamu pastavili dyjahnaz «apiok vačej 1-j stupieni». U balnicy Stasu skazali, što z takimi skarhami da ich źviarnulisia 30–40 čałaviek.

Słovy Stasa paćviardžaje karystalnik Juryj Vierabjoŭ. U jaho taksama apiok pieršaj stupieni, jon piša, što ničoha nie bačyć druhi dzień.

«Mocnyja naviny» źviazalisia ź Juryjem. Małady čałaviek raskazaŭ, što na viečaryncy ŭ jaho časam rabiłasia mutna ŭ vačach, adnak jon nie nadavaŭ hetamu značeńnia. Užo doma jamu stała drenna, i jon vyklikaŭ chutkuju dapamohu, jakaja dastaviła jaho ŭ miedharadok (kankretnuju balnicu małady čałaviek nazvać nie zmoh). Daktary pastavili Juryju dyjahnaz «chimičny apiok vačej 1-j stupieni». Ciapier jon prachodzić lačeńnie — kapaje ŭ vočy kropli.

Sudzicca z kłubam małady čałaviek nie maje namieru.

U kłub «Płaza» datelefanavacca nie ŭdałosia.

Pa słovach inšych karystalnikaŭ, na ŭvachodzie ŭ kłub visieła abjava, što mahčymyja alerhičnyja reakcyi. Adnak paciarpiełyja nastojvajuć, što ŭ ich mienavita apiok, a nie alerhija.

Aficyjna hetaja infarmacyja pakul nie paćvierdžanaja.

0

0

0

0

0

0

odsgomel.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH