Siońnia ŭ Miensku paśla dvuchtydniovaha pierapynku adnaviŭsia praces nad madeljeram Alaksandram Varłamavym.
U svaim vystupie prakuror paprasiŭ dla Varłamava 5 hadoŭ pazbaŭleńnia voli z kanfiskacyjaj majomaści i zabaronaj zajmać kiroŭnyja pasady. Prakuror prasiŭ sud pryznać Varłamava vinavatym va ŭchileńni ad padatkaŭ i ekanamičnych złoŭžyvańniach.
Siońnia Varłamaŭ častkova kampensavaŭ naniesienyja straty i pieraličyŭ 20 miljonaŭ biełaruskich rubloŭ u košt niaspłačanych padatkaŭ. Prakuror paprasiŭ sud uličyć hety fakt, a taksama stan zdaroŭja Varłamava i jahony ŭniosak u raźvićcio kultury.
Varłamavu pradjaŭlena abvinavačvańnie pavodle piaci artykułaŭ Kryminalnaha kodeksu, siarod jakich machlarstva i kradziož u asabliva bujnym pamiery. Saša Varłamaŭ pryznaŭ svaju vinu tolki ŭ niaspłacie padatkaŭ.
Śviedkami i paciarpiełymi ŭ spravie prachodziać 800 čałaviek.
Byłoha kiraŭnika festyvalu «Młyn mody» aryštavali ŭ traŭni 2011 hodu i z taho času ŭtrymlivajuć pad vartaj.
Sudździa na pracesie — Nadzieja Navickaja.
