Zdaryłasia heta nočču 21 červienia ŭ vioscy Kavalcy Maładziečanskaha rajona.
Viečaram 23-hadovy mužčyna vypiŭ harełki i vyrašyŭ uhnać mašynu. Aŭtamabil znachodziŭsia kala pradpryjemstva ŭ vioscy Kavalcy, jakoje vyrablaje žalezabieton. Jon sieŭ za rul i zahnaŭ mašynu ŭ płot.
Potym sieŭ u druhuju mašynu i źjechaŭ u kiuviet.
– Mužčyna vyrašyŭ uziać treciuju mašynu, – raskazaŭ staršy śledčy Maładziečanskaha adździeła Śledčaha kamiteta Jury Bahuševič. – Na joj chulihan pajechaŭ u viosku Markava. Tam jon pierasieŭ u čaćviertuju mašynu, jakaja naležyć rabotniku žalezabietonnaha pradpryjemstva, i pajechaŭ u Maładziečna.
Tut jaho zatrymali supracoŭniki DAI. Mužčyna pradstaviŭsia imiem brata i skazaŭ, što pajeździć na mašynie jamu dazvoliŭ siabar. Da taho ž, u mašynie byli ŭsie nieabchodnyja dakumienty.
Mužčynu adpuścili, a mašynu zahnali na štrafstajanku, bo jon byŭ niećviarozy.
Na nastupny dzień jaho zatrymali ŭ Minsku. Jon sam źjaŭlajecca rabotnikam žalezabietonnaha pradpryjemstva, tamu znajści jaho było lohka.
Mužčynu raniej sudzili za kradziažy i chulihanstva. Ciapier jamu pahražaje da siami hadoŭ pazbaŭleńnia voli.
