Zaražanaja afrykanskaj čumoj śviniej (AČS) śvinina nie moža trapić na pryłaŭki Kamaroŭskaha rynku.U hetym zapeŭniŭ siońnia žurnalistaŭ hienieralny dyrektar dziaržaŭnaha pradpryjemstva «Minski Kamaroŭski rynak» Mikałaj Chmialnicki.
Pavodle słoŭ hiendyrektara, pakupniki mohuć być spakojnyja — usia pradukcyja, jakaja traplaje na pryłavak, prachodzić łabaratorny kantrol. «U nas lubaja pradukcyja, asabliva miasnaja, prachodzić uzvažvańnie i łabaratorny kantrol. Na siońnia na rynku pracuje Minskaja haradskaja vieterynarnaja stancyja», — paviedamiŭ jon.
Usiaho ŭ łabaratoryi pravodzicca bolš za 12 analizaŭ, u tym liku na AČS. Dla hetaha jość usie nieabchodnyja reaktyvy.
«Tolki paśla pravierki pradukcyja pastupaje na pryłaŭki rynku», — padkreśliŭ Mikałaj Chmialnicki.Akramia taho, uvieś invientar, na jakim, u pryvatnaści, raździełvajecca miasa, prachodzić rehularnuju dezinfiekcyju.
Hiendyrektar dadaŭ, što śvinina na rynak pastupaje z usich rehijonaŭ krainy, u tym liku z Hrodzienskaj vobłaści, dzie byŭ zafiksavany vypadak zaražeńnia žyvioły. Pry hetym chvalavacca pakupnikam usio ž nie varta, padkreśliŭ Mikałaj Chmialnicki: «Možacie być spakojnyja: pradukcyja, jakaja pastupiła da nas, prajšła poŭny kantrol».