Novy smartfon Xperia Z Ultra, jak śćviardžaje kampanija, źjaŭlajecca samym tonkim z najaŭnych na rynku telefonaŭ u vialikimi ekranami. U im vykarystoŭvajecca apieracyjnaja sistema Android, paviedamlaje Bi-Bi-Si.
Jon zadumany jak pramy vyklik paŭdniovakarejskamu vytvorcu Samsung, jaki daminuje ŭ siektary smartfonaŭ z dysplejami vialikich pamieraŭ.
U 2012 hodzie, pavodle acenak śpiecyjalistaŭ, Samsung kantralavaŭ 70% rynku takich partatyŭnych pryład dziakujučy pośpiechu jaho smartfonaŭ-tabletak Galaxy S3 i Galaxy Note 2.
U pačatku hoda da ich dadalisia Galaxy S4 i Galaxy Mega z ekranami pa 6,3 cali.
Karparacyja Sony sa studzienia vypuskaje svoj ułasny smartfon z ekranam u 5 calaŭ, Xperia Z. Novy telefon źjaŭlajecca jaho pavialičanaj viersijaj.
Novy smartfon byŭ pradstaŭleny ŭ Šanchai na vystavie Mobile Asia Expo. U lipieni jon pastupić u prodaž u Kitai, Indaniezii i Sinhapury, a ŭ vieraśni — u Jeŭropie.
Karparacyja Sony paviedamiła ŭ mai, što ŭpieršyniu za piać hadoŭ jana atrymała prybytak za pieryjad u adzin hod, adnak niekatoryja naziralniki adznačajuć, što hetyja dadzienyja mohuć być skažonyja za košt prodažu kampanijaj svaich aktyvaŭ, i nie adlustroŭvajuć sapraŭdnaha stanovišča spraŭ.
Novy smartfon vytrymlivaje apuskańnie na hłybiniu da paŭtara mietra ŭ presnaj vadzie na praciahu paŭhadziny.
U 2012 hodzie ŭ śviecie było pradadziena bolš za 150 młn bujnapamiernych smartfonaŭ z AS Android; na dumku markietołahaŭ, da 2018 hoda hetaja ličba ŭzraście da 400 miljonaŭ.
Popyt na padobnyja pryłady raście, asabliva ŭ krainach, jakija raźvivajucca, dziakujučy tamu, što dla mnohich maładych spažyŭcoŭ jany stanoviacca hałoŭnaj i adzinaj elektronnaj pryładaj u ich žyćci, złučajučy ŭ sabie funkcyi mabilnaha telefona i piersanalnaha kamputara.
