Jon padaŭ prajekt «Uździejańnie elektryčnym tokam na raśliny jak sposab pavyšeńnia ŭradžajnaści».
Jaŭhien Paviołka — adzin z 15 padletkaŭ z roznych krain, čyje daśledavańni žury pryznała vartymi ŭznaharody. Ich adabrali z 90 rehijanalnych finalistaŭ. Prajekt biełarusa maje šaniec atrymać hałoŭny pryz konkursu — 50 tysiač dalaraŭ
«Spačatku mnie było cikava daviedacca, jak elektryčny tok uździejničaje na raśliny, a paśla ja zrazumieŭ, što heta moža dapamahčy raźviazać mnohija prablemy. Ekśpierymienty pravodziŭ na bałkonie, — kaža Jaŭhien Paviołka. — Heta było samaje zručnaje miesca. U mianie tam sapraŭdnaja łabaratoryja. Dy i inšaj mahčymaści nie było, bo na dvare była zima».
Kab davieści svaju racyju, chłopiec naziraŭ, ź jakoj chutkaściu prarastaje nasieńnie fasoli, radyski i
«Ja vysadziŭ nasieńnie ŭ hrunt, i jak tolki źjavilisia parastki, pačaŭ uździejničać tokam, — tłumačyć Jaŭhien Paviołka, — Paśla čaho naziraŭ, što ź imi adbyvajecca, i paraŭnoŭvaŭ z tymi, jakija raśli prosta tak, biez toku».
Pakul školnik nie ŭjaŭlaje, jak ažyćciavić svaju ideju ŭ Biełarusi.
«Navat nie viedaju, z čaho pačać. Ale najbližejšym časam ja chaču zrabić hatovuju sistemu, jakuju zmohuć vykarystoŭvać fiermiery dla vyroščvańnia sadaviny i harodniny», — kaža jon.
Jaŭhien Paviołka ŭ hetym hodzie skončyŭ 9 kłas.
Konkurs Google Science Fair byŭ zasnavany ŭ 2011 hodzie. Akramia Google jaho padtrymlivajuć takija kampanii, jak Lego, CERN, vydańni National Geographic i Scientific American.