Dla prachodžańnia litoŭska-biełaruskaj miažy na KPP Miedniki (Miadzininkaj) uvodzicca elektronnaja čarha. Sistema robicca dla papiaredniaha vybaru i reziervavańnia času prachodžańnia transpartnych srodkaŭ praz pamiežnyja punkty propusku. Zarehistravacca dla prachodžańnia čarhi možna na sajtach www.ltsiena.lt abo www.lithuanianborder.eu.
Infarmacyja pra stan čarhi abnaŭlajecca što 15 chvilin. Atrymać tałon na prachodžańnie čarhi možna na miescy z budki na padjeździe da KPP. Pry adsutnaści čerhaŭ prajezd svabodny. Adpaviedna, praz kantrolna-prapuskny punkt možna prajechać ciapier tolki pry najaŭnaści tałona, što źnižaje mahčymaść błytaniny z čerhami abo prodažu kamu-niebudź svajoj čarhi.
Upieršyniu hetaja pasłuha była vyprabavanaja na KPP «Kibartaj» u kancy maja hetaha hoda.Litoŭskija ŭłady miarkujuć, što reziervavańnie miesca ŭ čarzie elektronnym sposabam dazvolić skaracić čas na prachodžańnie miažy i budzie cikava, u pieršuju čarhu, mižnarodnym aŭtamabilnym pieravozčykam.
Darečy, punkt propusku «Miadzininkaj» absłuhoŭvaje značnuju častku lehkavoha, hruzavoha i aŭtobusnaha transpartnaha patoku Litva — Biełaruś. Čerhi ŭ punkcie majuć siezonny charaktar, a taksama zaležać ad dnia tydnia, śviatočnych dzion i času sutak.
U siezon letnich adpačynkaŭ i napiaredadni vialikich śviataŭ, a taksama ŭ zvyčajnyja dni možna skarystacca bližejšymi punktami propusku.
0
0
0
0
0
0
