Rasśledavańnie pa kryminalnaj spravie ab «plušavym desancie» zavieršana, paviedamiŭ pieršy namieśnik staršyni KDB Biełarusi Ihar Siarhiejenka.
Adkazvajučy na pytańnie, zavieršana Inšaja sprava, abvinavačanymi pa jakim prachodzili hramadzianie Biełarusi Siarhiej Bašarymaŭ i Anton Surapin, pradstaŭnik KDB adkazaŭ: «Tak, zavieršana». Ad inšych kamientaroŭ Ihar Siarhiejenka ŭstrymaŭsia.
Adnamatorny samalot sa šviedskim ekipažam z supracoŭnikaŭ kampanii Studio Total niesankcyjanavana pierasiek pavietranuju miažu Biełarusi ranicaj 4 lipienia 2012 hoda. Jon pravioŭ u pavietranaj prastory krainy prykładna paŭtary hadziny, skinuŭšy nad Iviancom i ŭskrainaj Minska bolš za 800 plušavych miadźviedzikaŭ z zapiskami ŭ padtrymku demakratyi ŭ Biełarusi. Niahledziačy na toje, što vajskoŭcy i pamiežniki spačatku admaŭlali parušeńnie miažy, pa hetym fakcie była raspačataja kryminalnaja sprava.
«Plušavy desant» taksama pryvioŭ da kadravych pierastanovak u vojsku, a taksama vydaleńniu pasła Šviecyi i zakryćciu pasolstva