Kala Šumilina kiroŭca prataraniŭ zasłon DAI i zahinuŭ 40

Jak paviedamili ŭ adździaleńni infarmacyi i hramadskich suviaziej UUS Viciebskaha abłvykankama, 28 červienia kala 23.00 41-hadovy niepracujučy žychar Połackaha rajona, kirujučy «Reno-Łahuna», na aŭtadarozie Viciebsk — Połack nie padparadkavaŭsia nieadnarazovym zakonnym patrabavańniam supracoŭnikaŭ DAI ab spynieńni, praciahvaŭ ruchacca na vialikaj chutkaści ŭ bok haradskoha pasiołka Šumilina. Supracoŭniki DAI pieraśledavali parušalnika z uklučanym prabliskovym majačkom čyrvona-siniaha koleru i hukavym sihnałam, adnak vadziciel na heta nijak nie reahavaŭ i praciahvaŭ ruchacca z chutkaściu bolš čym 160 km/h. Kab paźbiehnuć mahčymych achviar u nasielenym punkcie, a tam prachodzili masavyja mierapryjemstvy, było pryniata rašeńnie vystavić zasłon.

Na skryžavańni vulic Łunačarskaha i Jubilejnaj kala Šumilina na aśvietlenym učastku darohi byŭ vystaŭleny zasłon u vyhladzie hruzavoj aŭtamašyny «DAF» z paŭpryčepam.

Taksama byli zadziejničany aŭtamabili apieratyŭnaha pryznačeńnia Šumilinskaha RAUS, jakija znachodzilisia pa abodva baki aŭtadarohi z uklučanymi majačkami siniaha koleru i blizkim śviatłom far, jaki aśviatlaŭ «DAF». Adnak pry vyjeździe na skryžavańnie vadziciel «Reno» nie spyniŭsia i sutyknuŭsia z paŭpryčepam, atrymaŭšy cialesnyja paškodžańni. Pry dastaŭcy ŭ balnicu mužčyna pamior u mašynie chutkaj dapamohi.

Pa fakcie darožna-transpartnaha zdareńnia Šumilinskim rajonnym adździełam Śledčaha kamiteta raspačata sprava pa č. 2 art. 317 KK (parušeńnie praviłaŭ darožnaha ruchu abo ekspłuatacyi transpartnych srodkaŭ, što paciahnuła pa nieaściarožnaści śmierć čałavieka abo pryčynieńnie ciažkaha cialesnaha paškodžańnia).

Va UUS adznačyli, što ŭ vyniku praviedzienych pieršapačatkovych śledčych dziejańniaŭ u śledstva ź`iavilisia dastatkovyja padstavy mierkavać, što ŭ dziejańniach supracoŭnikaŭ orhanaŭ unutranych spraŭ nie ŭhladajecca parušeńniaŭ dziejnaha zakanadaŭstva i viedamasnych instrukcyj.

Viačasłaŭ Budkievič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH